სიახლე
Müxalifət iqtidar partiyasını dövlət resurslarından istifadə etməkdə ittiham edir
“Milli Hərəkat” iqtidar partiyasını seçkilər ərəfəsində dövlət resurslarından istifadədə ittiham edir. 13 aprel tarixində Marneuli Mədəniyyət Mərkəzi ərazisində “Gürcü Arzusu”nun Marneuli meri vəzifəsinə namizədi Zaur Darğallının rəsmi təqdimatı keçirilib.

İqtidar partiyasının namizədinin təqdimatında Marneulinin müxtəlif məktəblərinin direktorları və müəllimləri də iştirak edirdilər. Bələdiyyə Məclisinin “Milli Hərəkat” partiyasının üzvü olan deputatı Azad Kərimov görüşə gələn müəllimlər qrupunu video-qeydə alıb. O, video çəkdiyi zaman müəllimlərə hansı kənddən olduqlarını və bütün müəllimlərin gəlib-gəlmədiyini soruşub.

Videoda Keşəli məktəbinin müəllimlərindən biri deyir ki, qadınlı-kişili məktəbdəki bütün müəllimlər – ümumilikdə 24 müəllim gəlib.

Marneuli bələdiyyə məclisinin üzvü Azad Kərimov “Marneuli” radiosu ilə söhbəti zamanl bildirdi ki, Marneulinin resurs mərkəzinin tapşırığı ilə “Gürcü Arzusunun” merliyə namizədinin təqdimatına demək olar ki, Marneulinin bütün məktəblərindən müəllimlər gedib.

“Xalq onları dəstəkləmir. Bu onunla təsdiqini tapır ki, namizədin təqdimatında maksimum dərəcədə dövlət resurslarından istifadə ediblər. Bunun nümunələrindən biri Marneuli merinin təqdimatıdır ki, Kvemo Kartli miqyasında müəllimlər və şagirdləri Marneuliyə təqdimata gətiriblər” – Azad Kərimov deyir.

Kərimovun ittihamı ilə Keşəli ictimai məktəbinin direktoru Binəli Əliyev razılaşmır.

“Mənim tərəfimdən heç bir tapşırıq olmayıb. Mən işimdə və vəzifəmdə sərbəstəm və özümə caabdehəm” – məktəb müəlimlərinin merin təqdimatına getməsi ilə bağlı isə Binəli deyir ki, bu haqda məlumatı yoxdur, çünki 13 apreldə istirahət günü idi və onlar istədikləri yerə gedə bilərdilər.

Müxalifət partiyasının ittihamına eləcə də Marneuli resurs mərkəzinin rəhbəri Kənan Omarov etiraz edir – “Bu məsələ ilə bağlı heç yerdən tapşırıq yox idi və xahiş də edilməmişdi. Öz istəyi ilə kimsə iştirak etmək istəyibsə özü bilər, bizim məsələdən xəbərimiz yoxdur”.

Beynəlxalq Şəffaflıq Gürcüstanın baş hüquqşünası Qiqi Çixladze bizimlə söhbətində deyir ki, vəzifəsinə görə şəxsin seçki prosesinə və təbliğata qoşulmağa məcbur edilməsi Gürücstanın seçki məcəlləsi ilə qadağan edilib. Qeyd olunan halda isə məhz bu fakt nəzərə alına bilər, baxmayaraq ki, sübutlar yoxdur.

“Mühit və pis təcrübə bizi düşündürür ki, məhz belə məsələdir, ona görə ki, dövlət məmurları, büdcə təşkilarının əməkdaşları, təəssüf ki, illərdir artıq birbaşa və saxta məcburiyyətlə təbliğata qoşulurlar” – Qiqi Çixelidze deyir.

Beynəlxalq Şəffaflıq Gürcüstanın baş hüquqşünası eləcə də izah edir ki, müşahidəçi və ya beynəlxalq təşkilatın administraiv resursun istifadəsi ilə bağlı tövsiyyələri var ki, dövlət və partiya bölünsün və seçkiqabağı təbliğatda insan resursundan istifadə edilməsin. Ancaq qeyd olunan tövsiyyələrin ən yaxşı halda yalnız müəyyən hissəsi yerinə yetirilir.

FaceBook Twitter Google
Bu kateqoriyaya aid digər xəbərlər
Bu
gün, 17 iyun tarixində saat 23.00 radələrində Rustaveli küçəsində
yol nəqliyyat hadisəsi baş verib.
Bu gün, 17 iyun tarixində saat 23.00 radələrində Rustaveli küçəsində yol nəqliyyat hadisəsi baş verib.
Daxili İşlər naziri Qiorqi Qaxaria Baş
Prokurorluqda ifadə verib.
Daxili İşlər naziri Qiorqi Qaxaria Baş Prokurorluqda ifadə verib.
შინაგან საქმეთა მინისტრი გიორგი გახარია
გენერალურ პროკურატურაში გამოიკითხა.
შინაგან საქმეთა მინისტრი გიორგი გახარია გენერალურ პროკურატურაში გამოიკითხა.
“Gürcüstandan bu il həcc
ziyarətinə 35-ə yaxın zəvvar gedəcək”, – bu barədə
məlumatı “Marneuli” radiosu ilə söhbəti zamanı Gürcüstan
Müsəlmanları İdarəsinin şeyxi Ramin İgidov verdi.
“Gürcüstandan bu il həcc ziyarətinə 35-ə yaxın zəvvar gedəcək”, – bu barədə məlumatı “Marneuli” radiosu ilə söhbəti zamanı Gürcüstan Müsəlmanları İdarəsinin şeyxi Ramin İgidov verdi.
წელს საქართველოდან ჰაჯში 35-მდე პილიგრიმი
გაემგზავრება ამის შესახებ ინფორმაცია რადიოსთან საუბრისას
საქართველოს მუსლიმთა გაერთიანების შეიხმა რამინ იგიდოვმა
განაცხადა.

წელს საქართველოდან ჰაჯში 35-მდე პილიგრიმი გაემგზავრება ამის შესახებ ინფორმაცია რადიოსთან საუბრისას საქართველოს მუსლიმთა გაერთიანების შეიხმა რამინ იგიდოვმა განაცხადა.

Bu
gün, 17 iyul tarixində Gürcüstan Azərbaycanlılarının İnteqrasiya
Mərkəzində Azərbaycanın dahi şairi, mütəfəkkiri və filosofu
İmadəddin Nəsimiyə həsr olunmuş
Bu gün, 17 iyul tarixində Gürcüstan Azərbaycanlılarının İnteqrasiya Mərkəzində Azərbaycanın dahi şairi, mütəfəkkiri və filosofu İmadəddin Nəsimiyə həsr olunmuş "Poeziya Günü" keçirildi.
Bu gün, 17 iyul tarixində Marneuli meriyasında
“Gürcüstanda desentralizasiya islahatları strategiya və problemlər”
mövzusunda görüş/dialoq keçirildi.

Bu gün, 17 iyul tarixində Marneuli meriyasında “Gürcüstanda desentralizasiya islahatları strategiya və problemlər” mövzusunda görüş/dialoq keçirildi.

Marneuli yerli özünüidarəsi gənclər
düşərgəsinin təşkil olunması üçün 20 000 lari dəyərində tender elan
edib.
Marneuli yerli özünüidarəsi gənclər düşərgəsinin təşkil olunması üçün 20 000 lari dəyərində tender elan edib.