Bu gün Suxumidə Kan Kvarçianın başçılıq

etdiyi müxalifət tərəfdarları öz tələblərini mövcud de-fakto hökumətə çatdırmaq üçün parlamenti ələ keçirməyə cəhd ediblər.
Bu barədə AMPA-life teleqram kanalı məlumat yayıb.

Müxalifətlə hüquq-mühafizə orqanları arasında toqquşma da baş verib. Nümayişçilər hələ də de-fakto parlament binasına daxil olmağa çalışırlar.

Bundan əvvəl etirazçılar de-fakto prezident Aslan Bjaniyanın onlara müraciət etməsini tələb ediblər və bunun üçün iki nümayəndə göndərilib. Lakin Bjaniya nümayəndələr vasitəsilə onların qarşısına çıxmaqdan imtina edib.

Bjaniya müxalifət nümayəndələrinə onları narahat edən bütün məsələləri ümumi formatda müzakirə etməyi təklif edib. O, həmçinin Abxaziyanın “Xalq Vətənpərvər Birliyi” ilə dialoqa hazır olmadığını bildirib.

Mənbə: İnterPressNews