Avropa İttifaqı (Aİ) Şurası işğal altındakı Ukrayna və Gürcüstan
ərazilərində Rusiya tərəfindən verilmiş sənədlərin tanınmamasına
dair qərarı qəbul edib.
Bu barədə Aİ Şurasının saytında yerləşdirilmiş məlumatda
bildirilib.
“Ukraynanın Rusiya tərəfindən işğal edilmiş
rayonlarında və Gürcüstanın separatçı ərazilərində Rusiya
tərəfindən verilmiş səyahət sənədləri Şengen zonasına səyahət və ya
onun sərhədlərini keçmək məqsədilə viza əldə edilməsi üçün keçərli
sənəd sayılmayacaq”, - deyə bəyanatda qeyd
olunub.