Gürcüstanın eks-prezidenti Mixail Saakaşvili Vahid Milli Hərəkat
Partiyasının yeni lideri Levan Xabeişviliyə təbrik məktubu
ünvanlayıb.
Saakaşvili məktubunda Gürcüstanda siyasətlə məşğul olmayacağını
bildirib. O, Levan Xabeişvilini qələbə münasibətilə təbrik edib və
dəstəklədiyini bildirib.
“Təbrik edirəm, qardaş! Səni yaxın insan və böyük
potensialı olan siyasətçi hesab edirəm. Mən Gürcüstanda heç bir
siyasi fəaliyyətlə məşğul olmaq fikrində deyiləm, lakin səni
Ukraynadan və digər yerlərdən dəstəkləyəcəm. Bağrıma
basıram”, - deyə Saakaşvili bildirib.
Levan Xabeişvili Mixail Saakaşviliyə “dəstəyinə və xeyirxahlığına
görə” təşəkkür edib.
“Mən Mişanın, Nikanın, siyasi məhbusların və ölkəmizin
azadlığı uğrunda barışmaz, çətin mübarizəyə hazıram”,
- Xabeişvili deyir.