Bu gündən tranzit nömrələri yeni qaydaya əsasən veriləcək.
Məlumatı Daxili İşlər Nazirliyinin xidmət orqanı yayıb.
Onların məlumatına görə, dəyişikliklər nəticəsində daxili tranzit
və tranzit nömrə nümunələri eyni formada müəyyən edilib və nömrə
şəxsən, konkret nəqliyyat vasitəsinə veriləcək və ondan başqa heç
bir şəxs istifadə edə bilməyəcək.
“Daxili İşlər Nazirliyinin Xidmət Agentliyi nəqliyyat
vasitələrinə və motosikletlərə tranzit dövlət nömrə nişanlarının
verilməsi qaydasında və dizaynında dəyişiklik edib.
Aprelin 1-dən tranzit nömrələri yeni qaydaya əsasən veriləcək.
Dəyişikliklər nəticəsində daxili tranzit və tranzit nömrə
nümunələri eyni formada müəyyən edilib və nömrə şəxsən, konkret
nəqliyyat vasitəsinə veriləcək və ondan başqa heç bir şəxs istifadə
edə bilməyəcək.
Qeyd olunan dəyişikliklər İnzibati Xətalar Məcəlləsində nəzərdə
tutulmuş cərimələrin tətbiqinə də kömək edəcək.
Aprelin 1-dək verilmiş daxili tranzit və tranzit nömrələri
qanunvericiliklə müəyyən edilmiş etibarlılıq müddətində hüquqi
qüvvəsini saxlayır”, - məlumatda deyilir.