Bütün Gürcüstanın şeyxi: Davit Qareci ilə bağlı düşünülməmiş bəyanatlar təhlükəlidir
Ümum Gürcüstan
Müsəlmanları İdarəsinin şeyxi Ramin İgidov ruhani şəxsləri və
siyasətçiləri Davit Qareci monastırı ilə bağlı kəskin bəyanatlar
verməkdən çəkinməyə çağırıb.
“Bəzi siyasətçi və ya ruhanilərin düşünmədən və kəskin şəkildə
verdiyi bəyanatlar emosional fonda verilir və hər iki millət
arasında münasibətləri pozur. Biz düşünürük ki, dövlətin mövqeyi
tam başqadır və qeyd olunan şəxslərin mövqeyindən ibarət deyil.
Bizim ölkələr qardaş ölkələrdir. Müvafiq olaraq oxşar bəyanatlar
verməkdən hamı çəkinməlidir” – Ümum Gürcüstan Müsəlmanları
İdarəsinin şeyxi deyir.
Ramin İgidov düşünür ki, sərhədin delimitasiyası məsələsi qısa
müddətdə həll olunmalıdır və heç bir tərəfin marağına zərər
gəlməməlidir. O, hakimiyyət tərəfindən təklif olunarsa ikitərəfli
komissiya çalışmalarına qoşulmağa hazırdır.
Ramin İgidov Azərbaycan mediasının mitropol İobinin (Akiaşvili)
bəyanatını işıqlandırmamasını alqışlayır. Onun sözlərinə görə,
həmin bəyanat Gürcüstanın maraqlarına ziddir. O, gürcü mediasını da
oxşar bəyanatları yayımlamamağa çağırıb.
“Biz Gürcüstan vətəndaşlarıyıq və bizim üçün etnik, eləcə də dini
zəmində qarşıdurma, müvafiq olaraq qeyd olunan məsələnin dini və ya
etnik kontekstə keçirilməsi qəbuledilməzdir.
2 mayda Yeparxiyanın keşişləri ilə birgə Qareci kilsəsinə ibadət
üçün gedən mitropol İobi müsəlmanlara qarşı kəskin bəyanat
verib.
25 apreldə məlumat yayılıb ki, Azərbaycanlı sərhədçilər yolu kəsib
və Davit Qareci monastırına ruhanilər girə bilmir. Hazırda heç bir
problem yoxdur.
Gürcüstan hakimiyyətinin nümayəndələri bildirirlər ki, Davit Qareci
məsələsi sərhədin demarkasiya-delimitasiyası ikitrərəfli komissiya
çərçivəsində həll olunacaq. Mülki fəallar Davit Qarecidə bir neçə
etiraz aksiyası keçirib.
Mənbə:
radiotavisupleba.ge