ჩემი დილა ჩვენი ცოცხალი მაღვიძარას, პატარას ხმაურით იწყება. სიჩუმე და სიწყნარეა, როცა ის საჭმელად იღვიძებს. როცა იღვიძებს სულ ხელით აკაკუნებს თავის პატარა საწოლზე და მანიშნებს, რომ გაიღვიძა. ამ დროს მხოლოდ ახლო მდებარე სადგურიდან მატარებლის ხმა ისმის. პატარა ჭამს და ისევ იძინებს ხოლმე. მისი მეორე გაღვიძება კი დილით, ოჯახის სხვა წევრების გაღვიძების დროს ემთხვევა

„როცა შენი ერთადერთი იარაღი ჩაქუჩია, ყველაფერი ლურსმანად მოგეჩვენება.“

დემოკრატიის ბედი თანამედროვეობაში, მუტაცია თუ კრიზისი, დღეს გადაცემაში ‘ქალის აზრი’ ვისაუბრეთ პროცესებზე, რომელიც მოქალაქეების ჩართულობის გარეშე ვითარდება

მაღვიძარამ დარეკა. 7 საათს ახლახანს გადაცდა. სახლში ყავის სურნელი დგას. ქარის ზუზუნს თითქოს წვიმის წვეთები პასუხობენ

ადამიანები ბევრი გამოწვევით ვცხოვრობთ, რაც დაკავშირებულია როგორც მატერიალურ, ისე არამატერიალურ ყოფასთან. სწორედ ეს გამოწვევები ხდის ცხოვრებას საინტერესოს, წინააღმდეგ შემთხვევაში, ჩვენ უსაგნო არსებები ვიქნებოდით. გამოწვევების კლასიფიკაცია შორს წაგვიყვანს, ამიტომ რამდენიმე მნიშვნელოვან საკითხზე ღირს ყურადღების გამახვილება

დღეს, 5 ნოემბერს, 19:00 საათზე გადაცემა "ქალის აზრის" ავტორების ოლგა ენდელაძე და ნონა სამხარაძის

უკვე ხუთი თვეა დეკრეტულ შვებულებაში ვარ რადიო „მარნეულიდან“ გაისმა ზარის ხმა და ბლოგის დაწერა შემომთავაზეს, გავიფიქრე: „ეს ზუსტად ის არის, რისი გაკეთებაც მინდოდა“

ფოტოკამერით, ჩანთითა და გასაღებების აცმით ხელში, გოგონა ლურჯ საღებავაცლილ ჭიშკარს აღებს, მეორე სართულზე ადის და მთელ შენობაში ერთადერთი გარემონტებული ოთახის დალაგებას იწყებს. ცენტრში, რომელიც ძმასთან ერთად 5 თვის წინ დააფუძნა, ბავშვები ამერიკელი მოხალისეების ინგლისურის გაკვეთილზე უნდა მივიდნენ.

25 წლის შოგიკ აკოფიანი წითელსოფელში ღია სივრცის შექმნას ცდილობს, სადაც ბავშვები უცხო ენას ისწავლიან, ქალები კი საკუთარი უფლებების დაცვას. ისტორიის მასწავლებელი მარნეულის მუნიციპალიტეტის ერთ სოფელში თანამედროვე, სრულიად განსხვავებულ ისტორიას ქმნის. უნდა, ირგვლივ აქტიურ, მებრძოლ გოგონებს ხედავდეს და ამიტომაც, პატარებისთვის გაკვეთილებს, ლიდერი ქალების ჩამოსაყალიბებლად კი ტრენინგებს, დისკუსიებსა და ღონისძიებებს მართავს. წითელსოფლის ახალგაზრდულ ცენტრში თითოეული გოგოს სტუმრობა უხარია, თუმცა ეს მარტივად არ ხდება. იქ გაშვებისას მშობლები გოგონების უსაფრთხოების გარანტიას ითხოვენ.

(ვიდეო)"ამ სოფელში ბავშვებს განვითარების სხვანაირი ადგილი არ აქვთ და რა თქმა უნდა, ეს ადგილი ჩემთვისაც და სხვა სოფლის მცხოვრებლებისთვისაც ძალიან მნიშვნელოვანია. ჩვენთან უმეტესობა გოგოა, იმიტომ, რომ, ალბათ, მეც რომ გოგო ვარ, ცენტრის ხელმძღვანელი და ძალიან დიდი ინტერესით დადიან ბავშვები", - გვიყვება შოგიკი

ცენტრში სტუმრობა არც ქალებისთვის არის მარტივი. მათ გარკვეული დაბრკოლებების გადალახვა და ზოგიერთ ტრადიციაზე უარის თქმა უხდებათ. მუნიციპალიტეტში, სადაც 2017 წლის თვითმმართველობის არჩევნების შემდეგ საკრებულოში არცერთი ქალი არ არის, სტერეოტიპი - „ქალი კუხნაში“ ხალხში მყარად არის გამჯდარი. როცა მარნეულის ახლად არჩეულმა მერმა, თემურ აბაზოვმა მოსახლეობასთან პირველი შეხვედრა გამართა, ქალების არყოფნა მარტივი ფრაზით ახსნა: „ქალები სადილს ამზადებენ, ალბათ“. შოგიკი სწორედ ამ რეალობის შეცვლას ცდილობს. პრობლემებზე ელაპარაკება და ალაპარაკებს ქალებს, არა მხოლოდ საკუთარ სოფელში.

65 წლის სუსანა ცენტრში პრობლემების გაზიარებით გულს იოხებს. საბავშვო ბაღის არარსებობა, დაბინძურებული სასმელი წყალი, ტალახიანი გზები, ელექტრო ენერგიის გათიშვა ის საკითხებია, რის მოგვარებასაც ითხოვს.

„საშინელი მდგომარეობაა. ქალებს უჭირთ ნორმალურად ცხოვრება... დაიღალნენ. სოფელში ქალი ქალს არ ჰგავს. ვერ ლაპარაკობენ, არ შეუძლიათ, მორიდებულები არიან, უფრო დაჩაგრული ხალხია,“ - ამბობს აღელვებული სუსანა

სუსანას და სხვა ქალების პრობლემები შოგიკს თვითმმართველობამდე მიაქვს. ადრე ეს შეუძლბელი იყო, დიასახლისებს ამა თუ იმ საკითხზე წუხილის გამოთქმის ეშინოდათ. ვითარება ნელ-ნელა იცვლება. შოგიკი ამას ყველაზე მეტად ქალთა იმიტირებულ საკრებულოს სხდომებზე გრძნობდა, რომელსაც ერთი წლის განმავლობაში, თვეში ორჯერ, მარნეულში ესწრებოდა. ის ფიქრობს, რომ დღეს თვითმმართველობის ცხოვრებაში ქალთა ხელოვნური ჩართვა აუცილებელია, რადგან ჯერ კიდევ ეშინიათ აზრის ხმამაღლა გამოთქმის, ან არ იციან, თუ რა უნდა გააკეთონ საკუთარი თემის პრობლემების მოსაგვარებლად.
იმიტ საკ სხდომ ლაივი:
(ქალთა იმიტირებული საქრებულოს სხდომა, საკრებულოს წევრების მონაწილეობით. 14 დეკემბერი 2017 წელი.)

იმიტირებულ ქალთა საკრებულოს მთავარი მისია გადაწყეტილებების მიღების პროცესში მანდილოსნების ჩართვა იყო. იმიტირებული და მარნეულის მუნიციპალიტეტის რეალური საკრებულოს ერთობლივი სხდომა გასული წლის 14 დეკემბერს გაიმართა. მას საკრებულოს თავმჯდომარე, ამირან გიორგაძე უძღვებოდა.
შეხვედრა საკრებულოსთვის უჩვეულო, ცოცხალი დისკუსიით წარიმართა. ამის შემდეგ ქალებმა საკრებულოს წევრ მამაკაცებთან კიდევ ერთხელ ითათბირეს. მიზანი ქალების გააქტიურება და მათი საჭიროებების ადგილობრივ ხელისუფლებამდე მიტანა იყო, თუმცა იმიტირებული სხდომის შემდეგ დეპუტატები არცერთ საკითხს რეალურ სხდომაზე აღარ დაბრუნებიან.

„მარნეულის დემოკრატ ქალთა საზოგადოების“ თავმჯდომარე ოლგა ენდელაძე, რომელიც პროექტს ხელმძღვანელობდა, ფიქრობს, რომ ქალების ყველაზე დიდი პრობლემა მესიჯის სწორად ჩამოყალიბება და საკუთარი პოზიციის ბოლომდე დაცვაა. ერთწლიანი მუშაობის შედეგად მან ვერ მიაღწია სასურველს: ქალს დახმარება კი არ ეთხოვა კაცისთვის, არამედ პრობლემის მოგვარების საკუთარი ხედავ შეეთავაზებინა.

„პერსპექტივაში, ჩვენ ვფიქრობდით, რომ ამ ქალებიდან შესაძლებელი იყო აღმოგვეჩინა რეალური ლიდერები, რომლებიც აქ მიღებული გამოცდილებით უფრო მეტად იქნებოდნენ ჩართული გადაწყვეტილებების მიღების პროცესში. ასევე ვფიქრობდით, რომ პოლიტიკური სუბიექტები ამ ქალებთან შეხვედრის შემდეგ მათ საკუთარ აქტივობებში ჩართავდნენ, მაგრამ რაც რეალურად აღმოვაჩინეთ იყო, რომ არც პოექტში ჩართული ქალები და არც კაცები ერთმანეთთან კომუნიკაციისათვის მზად არ იყვნენ“, - ოლგა ენელაძემ სწორედ ამ მიზეზების გამო პროექტი აღარ გააგრძელა.

ქალთა იმიტირებული საკრებულოს იდეის ავტორი მომავალში ქალების გააქტირურებას სხვა ხერხებით ეცდება.
საჭიროებებზე, რომელსაც ქალთა იმიტირებული საკრებულო განიხილავდა, ახლა მარნეულის საკრებულოში შექმნილი „გენდერული თანასწორობის საბჭო“ იმუშავებს.
„გენდერული თანასწორობის საბჭო“ ყველა მუნიციპალიტეტის თვითმმართველ ორგანოში შეიქმნა. საბჭო საკონსულტაციო-სათთბირო ორგანოა, რომლის მიზანი მუნიციპალიტეტში გენდერული თანასწორობის დაცვა, გენდერული დისკრიმინაციის გამოვლენა-აღმოფხვრა, გენდერული თანასწორობის უზრუნველსაყოფად რეკომენდაციის შემუშავებაა.

მარნეულში საბჭომ მუშაობა 2018 წლის თებერვალში დაიწყო, მაგრამ ამ დრომდე მხოლოდ სამოქმედო გეგმის დამტკიცება მოახერხეს. საკრებულოს სხდომაზე დეპუტატებმა დოკუმენტს მხარი ფორმალურად, განხილვისა და დისკუსიის გარეშე დაუჭირეს. თვითმმართველი ორგანოს წევრებმა რადიო „მარნეულთან“ საუბარისას არ თქვეს, რას გულისხმობს გეგმა და ყველამ საკრებულოს თავმჯდომრის მრჩეველთან გენდერულ საკითხებში ია ესებუასთან გადაგვამისამართა.
ვიდეო გენდ საბჭოს დამტკიცების შესახებ:
საკრებულოს გენდერულ საკითხთა მრჩეველი ია ესებუა ამბობს, რომ ეს ერთი წელი, სამუშაო გეგმის მიხედვით, ყველა თემის შემოვლას და მათი საჭიროებების შესწავლას დაეთმობა. ეს იმ ფონზე, როცა მარნეულის მერიასთან არაერთი წელია, სხვადასხვა არასამთავრობო ორგანიზაცია გენდერული მიმართულებით მუშაობს და უამრავ დოკუმენტშია ასახული სოფლად მცხოვრებ ქალთა საჭიროებები. გენდერული თანასწორობის საბჭოში კონკრეტული პრობლემების გადაჭრის ჯერი როდის დადგება, ჯერ უცნობია.
ევროკავშირთან ასოცირების ხელშეკრულება გვეუბნება, რომ „საქართველომ უნდა უზრუნველყოს სოციალური ჩართულობა და გენდერული თანასწორობა“. პოლიტიკოსები, რომლებიც საზოგადოებას გენდერული თანასწორობის მაგალითს უნდა აძლევდნენ, არჩევნების დროს ქალებს სიებში სიმბოლურადაც კი არ სვამენ და ამას ადმინისტრაციულ სამსახურში დასაქმებული ქალების სიმრავლით ხსნიან. საკრებულოს წევრები სხდომებზე სექსისტურ გამონათქვამებით გამოირჩევიან, თუმცა მაინც ფიქრობენ, რომ რადიო, რომელიც მუდმივად აშუქებს გენდერულ საკითხებს, პრობლემას ძალიათ ამუქებს.
რადიო „მარნეული“

7 ივლის რადიო "მარნეულის" გადაცემა აქტუალურ თემაში ვისაუბრეთ საქართველოს ახალგაზრდა იურისტთა ასოციაციის (საია) ახალ პროექტზე

მარნეულის კულტურის ცენტრთან არსებული ახალგაზრდა მარნეულელებისგან შემდგარი ბენდი „რედ ქარფეთი“ ბათუმში საერთაშორისო მუსიკალურ ფესტივალში „ოქროს საწმისი“ მონაწილეობის მისაღებად ემზადება