მარნეულის მუნიციპალიტეტის სოფელ თაქალოში რკინაბეტონის რეზერვუარს
რეაბილიტაცია 39`883.28 ლარად ჩაუტარდება.
ადგილობრივმა თვითმმართველობამ სამუშაოებისათვის გამარტივებული
შესყიდვა განახორციელა და ხელშეკრულება შპს ფილა 2010-ს სოფლის
მხარდაჭერის პროგრამის ფარგლებში გაუფორმა. პროექტის მიხედვით,
20771.27 ლარი დაიხარჯება თაქალოში არსებული რეზერვუარის
რეაბილიტაციაში. 12043.67 ლარია გამოყოფილი რეზერვუარის
შემოსაღობად.
გამოყოფილი თანხის 50.14%-ს სახელმწიფო ბიუჯეტი, 49.86%- კი
ადგილობრივი თვითმმართველობა დააფინანსებს.
აღსანიშნავია, რომ თაქალოში პროექტის განმახორციელებელ კომპანიასთან
მარნეულის მერია ხელშეკრულებები პირდაპირი წესით არაერთხელ აქვს
დადებული. შპს “ფილა 2010” -ს 40 სახელმწიფო შესყიდვა უფიქსირდება.
ტენდერების უმეტესობა, 52.5 % წაგებული აქვს, 25 % არშემდგარი , 20 %
მოგებული, ხოლო 2.5 % მიმდინარე. გამარტივებულ შესყიდვებში კი შპს
“ფილა 2010” -ს 42 ტენდერი უფიქსირდება, რომელთა
ხელშეკრულებების
საერთო ღირებულება 1,033,579.22 ლარია.
ამავე კომპანიის 100%-იანი წილის მფლობელი შიო კაპანაძეა, კომპანიის
მისამართი ბოლნისში იძებნება და ტენდერებში მონაწილეობა ძირითადად
ქვემო ქართლის მასშტაბით აქვს მიღებული.