Faktdır ki, beynəlxalq səfərdə olanlar üçün ölkəsinin turist
bazarını açıq elan edən ilk Gürcüstan hökuməti oldu.
Bu, beynəlxalq aviaşirkətlərə çox böyük stimul verdi ki, bizim
istiqamətdə uçuşlarını həyata keçirməyi bərpa etsinlər – bu barədə
İqtisadiyyat və Davamlı İnkişaf naziri Natia Turnava beynəlxalq
aviaşirkətlər tərəfindən Gürcüstana uçuşlarını bərpa edəcəkləri ilə
bağlı anonslar haqqında fikir bildirərkən deyib.
Onun sözlərinə görə, Gürcüstan bazarında çıxış edən aviaşirkətlərin
əksəriyyəti artıq reyslərini bərpa etməyə hazırdır.
“Bizim üçün, hər üç beynəlxalq aeroport istiqamətində
uçuşların yenilənməsi çox əhəmiyyətlidir — bu, istər Tbilisi olsun,
istər Kutaisi, istərsə də Batumi. Bununla yanaşı, aşağı büdcəli
aviaşirkətlərin — "Wizzair" və "Ryanair"-in uçuşlarının sürətlə
bərpa olunması prioritet məsələdir. Haqqında söhbət açdığımız hər
iki şirkət ilə olan danışıqlarımızda müsbət irəliləyişlərimiz var.
Öncədən razılaşma əldə etmişik, onlar ictimai şəkildə də bəyan
etdilər ki, uçuşlarını bərpa edəcəklər və müəyyən müddətdən sonra
əvvəlki köhnə səviyyəyə dönəcəklər”, — deyə Natia
Turnava bildirib.
Qeyd olunan məlumatı İqtisadiyyat və Sabit İnkişaf Nazirliyi
yayır.