Təbii fəlakətə görə Ağkörpüdə qalmış şagirdləri evlərinə qaytarıblar
14:13 / 11.06.2024
İdman tədbirləri ilə əlaqədar Ağkörpüyə getmiş
şagirdlər güclü yağış nəticəsində daşmış çaya görə Xoxmeli və
Çanaxçıda qalmışdılar.
Xocorni məktəbinin müəllimi Lali
Marqiani bildirir ki, 20 şagirdi layihə çərçivəsində 10 iyun
tarixində Ağkörpü məktəbinə aparıblar. Kəndə qayıdan zaman
Ağkörpünü Xocorni ilə əlaqələndirən yol artıq yox idi. Daşmış çay
maşın yolunu yuyub aparmışdı. Xocorni məktəbinin şagirdləri Xoxmeli
və Çanaxçıda ailələrdə qalmalı olublar.
“Layihəmiz
var idi. Bizim məktəbdən 4 müəllim və 20 şagird Ağkörpüyə getdik.
Viktorina keçirdik, uşaqlar futbol, voleybol oynadılar. Bu zaman
yağış başladı. Kəndə doğru yola düşdük, amma səhər gəldiyimiz yolu
tapa bilmədik, yağışdan yol itmişdi. Çanaxçıdan keçid yolunu da su
yuyub aparmışdı. Heç bir şəkildə qayıda bilmədik. Riskdən danışmaq
artıq idi, 112-yə zəng vurduq, Marneuli Xilasetmə Xidmətindən
kəndin müvəkkilinə, deputata zəng vurdular. Bu adam hər yarım
saatdan bir mənə zəng vururdu və vəziyyəti, uşaqların
təhlükəsizliyini soruşurdu. (Marneuli Yanğınsöndürmə-Xilasetmə
Xidmətinin rəhbəri Levan Kaladze), həm də bizə görə həqiqətən
narahat olduğu hiss olunurdu, bu öhdəliyini yerinə yetirmək üçün
edilən zəng deyildi. Yanğınsöndürmə maşını da gəldi, amma heç nə
edə bilməzdilər, şans yox idi. Bu adam zəng vururdu və deyirdi ki,
uşaqları buradan aparaq, bəlkə ailələrə yerləşsinlər. Ağkörpünün
müvəkkilinə də zəng vurdular. Həmin adama çox minnətdarıq”,
- Lali Marqiani bildirdi.
Xocorni sakini olan şagirdlər və müəllimlər kəndə bu gün, təxminən
saat 13:00-da qayıdıblar. Yol Departamenti həmin yerdə müvəqqəti
yol düzəldib. Ağkörpü kənd müəvəkkili Qiqol Atabeqininin sözlərinə
görə, yol müvəqqətidir və hər güclü yağış yağan zaman eyni
vəziyyətin baş verməsi mümkündür. Həmin hissədə körpü tikilməlidir
və körpünün tikintisi artıq 3 ildir uzadılır.
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.