Avropa çempionatının qrup mərhələsi çərçivəsində keçirilən
Gürcüstan - Portuqaliya oyunundan (2:0) sonra görüşün
ən yaxşı futbolçusu Xviça Kvaratsxelia RAI-yə müsahibəsində gələcək
planlarından danışıb.
Bildiyiniz kimi, dünən “Napoli”nin yeni baş məşqçisi Antonio Konte
mətbuat konfransı keçirərək, “Kvara”nın gələcək planlarına daxil
olduğunu və gürcüdnün uzaqlaşdırılmasının əleyhinə olduğunu
təsdiqləyib.
Xviçanın sözlərinə görə, o, hələ gələcəyi ilə bağlı qərar verməsə
də,
italiyalı mütəxəssisin sözlərini yüksək qiymətləndirir.
"Antonio Konte dedi ki, mən mütləq "Napoli"də
qalacağam? Hələ bilmirəm. Onun sözlərinə hörmətlə yanaşıram, çünki
o, dünyanın ən yaxşı məşqçilərindən biridir, amma qərar vermək üçün
vaxta ehtiyacım var. "Mən "Napoli"yə hörmət edirəm və bu klubu çox
sevirəm, lakin indiki mərhələdə gələcəyim üçün cavabım
yoxdur", - Kvaratsxelia deyib.