Deputat Eka Xerxeulidzenin sözlərinə görə
, Gürcüstanın keçmiş prezidenti Mixeil Saakaşvili Qldani
həbsxanasının xəstəxanasından Qori hərbi xəstəxanasına
köçürülməsinə razılıq verib, lakin hazırda vəkili Nika Qvaramia ilə
texniki detalları müzakirə edir, bundan sonra Qvaramiya yekun
qərarı açıqlayacaq.
“Onun aclıq aksiyasına çoxlu adam qoşulduğuna görə, o, bu
insanların acınacaqlı vəziyyətindən çox kədərlənir. Xüsusilə
aclığın on yeddinci günündə olan və səhhəti ağır olan Elenenin
vəziyyəti. Ona görə də Saakaşvili bu mövqedən çıxış edir, ondan
indi kənarda dayanıb Saakaşvilini müalicəyə aparmağı xahiş edən
xalqın tələblərini yerinə yetirməsini istəyir.
Bu onun seçimi deyil. Nə Qori, nə də başqa yer onun Gürcüstana
gəlmək kimi əsas niyyətini dəyişməyəcək və o, mübarizəni davam
etdirəcək. Amma bu gün hamımızı narahat edən onun aclığa son
qoyması onun üçün həyati əhəmiyyət kəsb edir.
Bu mərhələdə mane ola biləcək yeganə şey aşağıdakıdır: onun bir
şərti var və bu şərtinə görə də Ukrayna konsulu və şəxsi vəkili
Nika Qvaramianı bu texniki detalları danışmaq üçün çağırıb və sonra
Nika Qvaramia ətraflı məlumat verəcək. Onun Qori xəstəxanasına
köçürülməsi ilə bağlı etirazı yoxdur, bu yerə razı olduğu üçün yox,
ona görə ki, indi hara köçürülməsinin onun üçün heç bir əhəmiyyəti
yoxdur. Onun üçün bu ölkədə mübarizənin necə davam edəcəyi
vacibdir”, - Xerxeulidze bildirib.
Bu gün, noyabrın 19-da ədliyyə naziri Rati Breqadze bəyan edib ki,
nazirlik Saakaşvilinin Qori Hərbi Hospitalına köçürülməsini təklif
edir.
Gürcüstanın keçmiş prezidenti Mixeil Saakaşvili 50 gündür aclıq
aksiyası keçirir. Dünən, noyabrın 18-də onun səhhəti pisləşdiyi
üçün Qldani həbsxanasının reanimasiya şöbəsinə aparıldığı, huşunu
itirdiyi məlum olub.
Saakaşvili mülki xəstəxanaya aparılacağı təqdirdə aclıq aksiyasını
dayandıracağını bildirmişdi.
წყარო:
ნეტგაზეთი