Larinin kəskin devalvasiyası fonunda Milli Bank 60 milyon ABŞ
dolları satıb.
Milli Bankın məlumatına görə, bu qərar “birdəfəlik iri
əməliyyatlarla müşayiət olunan ajiotajlı proseslərə görə” qəbul
edilib.
GMB bildirir ki, nəticədə valyutaya izafi tələb yaranıb və bu,
larinin məzənnəsinə əlavə təzyiq yaradıb.
Milli Bank onu da qeyd edir ki, valyuta bazarındakı dalğalanmalar
fundamental makroiqtisadi amillərlə
bağlı deyil və buna görə də
qısamüddətlidir.
“Maliyyə sisteminin düzgün və səmərəli işləməsi üçün
kommersiya bankları müştərilərə rahat xidmət göstərmək və
iqtisadiyyata kredit vermək üçün sağlam gəlirliyə və yüksək
keyfiyyətli aktivlərə, möhkəm kapital buferlərinə və likvidliyə
malikdir. Bank sistemində likvid aktivlərin ümumi həcmi bu gün 16,7
milyard lari ekvivalentini ötür ki, bu da potensial şoklara qarşı
görünməmiş dayanıqlığın olduğunu göstərir. Bu gün Gürcüstanın
maliyyə sistemi Avropada ən güclü sistemlərdən
biridir”, - Milli Bank bəyan edir.
Mayın 14-də hakimiyyət orqanları rus qanununu üçüncü oxunuşda
təsdiqlədikdən sonra lari mayın 15-də kəskin ucuzlaşıb.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.