Abxaz dili Google Translate-ə əlavə edildi. Bu barədə abkhazworld.com xəbər verib. Şirkətin dediyi kimi, onların məqsədi dil maneələrini aradan qaldırmaq və tərcüməni getdikcə daha çox insan üçün əlçatan etməkdir.

Məlumdur ki, abxaz dili ilə yanaşı, Google Translate-ə, çeçen və osetin dilləri də əlavə edilib -əksəriyyəti Afrika dilləri olan cəmi 110 yeni dil. Google bildirir ki, yeni dillər 614 milyondan çox insanı və ya dünya əhalisinin təxminən 8%-ni təmsil edir.

Hazırda abxaz dili translate.google.com saytında mövcuddur və yaxın gələcəkdə o, Google Translate proqramında da görünəcək. Qeyd etmək lazımdır ki, bu, xidmət tarixində ən böyük genişlənmədir.