Batumidə fırtına nəticəsində bulvar infrastrukturuna və sahil
xəttinə ziyan dəyib. Yerli sakinlər deyirlər ki, bütün gecə güclü
külək və qar olub.
On.ge-yə Batumi meriyasından bildirilib ki, bələdiyyənin təmizlik
xidməti bütün gecəni sahil zolağında təmizlik işləri aparıb.
Bulvar rəhbərliyinin nümayəndəsinin sözlərinə görə, intensiv işə
başlamaq üçün havanın yaxşılaşmasını gözləyirlər.
"Gördüyünüz kimi, güclü tufan nəticəsində dalğalar daş
və beton parçalarını sahilin gəzinti yerinə çıxarıb. Həmçinin
infrastruktura qismən ziyan dəyib - əsasən duş və paltardəyişmə
otaqlarına. Müdiriyyət tərəfindən bərpa olunacaq və ilkin formasına
qaytarılacaq.
Təmizlik işlərinə gəlincə, traktorlar işləyir. Biz kütləvi şəkildə
işə başlaması və bulvarın təmizlənməsi üçün havanın açılmasını
gözləyirik”, – deyə Badri Siçinava Acarıstan TV-yə
bildirib.