26 may tarixində, Marneuli bələdiyyəsində müstəqillik gününü qeyd
etmək üçün müxtəlif tədbirlər keçiriləcək.
Müstəqillik günü Marneulidə musiqi və teatr nümayişləri, sərgilərlə
yanaşı idman yarışları da keçiriləcək.
Marneuli bələdiyyəsinin Səhiyyə, Sosial Təminat, Mədəniyyət, İdman,
Uşaq Hüquqlarının Müdafiəsi və Dəstək Göstərmə Xidmətinin rəhbəri
Qiorqi Meurmişvilinin Marneuli meri Kənan Ömərova ünvanladığı
izahatnamədə qeyd olunub ki, gürcü güləşi, oxçuluq və qol güləşi
üzrə yarışlar keçiriləcək.
“Bildiyiniz kimi, cari ilin 26 may tarixində Marneuli
bələdiyyəsində Gürcüstanın müstəqillik günü ilə əlaqədar bir sıra
tədbirlər keçiriləcək. Qeyd edək ki, mədəni tədbirlərlə yanaşı,
idman tədbirləri də keçiriləcək. Daha dəqiq: gürcü güləşi, oxçuluq
və qolgüləşi. Tədbirlərin tam keçirilməsi üçün lazımdır: 1) Qoyun
2) 60 ədəd medal 3) 65 ədəd diplom 4) 14 ədəd kubok (müxtəlif
ölçülərdə) 5) Musiqiçilər (3 musiqiçi, gürcü ənənəvi güləş üçün ifa
etməyə)”, – sadələşdirilmiş alqı-satqı
izahatnaməsində qeyd olunub.
Marneuli meriyası indiki mərhələdə iki sadələşdirilmiş müqavilə
bağlayıb. Müqavilələrdən birinə görə, meriya fərdi sahibkar Əkrəm
Qəhrəmanovdan 60 medal, 65 diplom, 14 kubok alıb və 927 lari 50
tetri ödəyib. Meriya Mixeil Lağidze ilə də sadələşdirilmiş müqavilə
bağlayıb. Ondan bir qoyun alıb və 650 lari ödəyiblər.