Marneuli yerli özünüidarəsi Marneuli hərbi şəhərciyində yerləşən
stadionun, onun ərazisindəki məşq trenajorlarının,
uşaq üçün attraksionların bərpası və Qamsaxurdia küçəsindəki süni
örtüklü mini stadionun bərpası işləri üçün 259 900 lari dəyərində
tender elan edib.
Keçmiş hərbi şəhərcikdə 7 saylı binanın ərazisindəki mini
stadionun bərpası və parkın qurulması layihəsi ilə nəzərdə
tutulub:
Qeyd olunan məkanda demontaj, montaj işləri həyata keçiriləcək.
Demontaj işləri çərçivəsində stadionun sıradan çıxmış hasarının
toru, örtüyü söküləcək. Mövcud sıradan çıxmış trenajorun sökülməsi
də həyata keçiriləcək. Montaj işlərinə əsasən, mini stadionun
hasarı, örtük, tribunaları, basketbol torları yenilənəcək. Parkda
cığırlar salınacaq, istirahət yerləri, uşaq əyləncə meydanı
yaradılacaq. Meydanda attraksionlar bərpa olunacaq, meydan plastik
hasarlarla hasarlanacaq, yaşıl örtük qurulacaq. İki növ ağac –
dekorativ qırmızı alça və yalançı akasiya əkiləcək. Parkda lampa
formasında işıqlandırma quraşdırılacaq.
Qamsaxurdia küçəsində mini stadionun bərpası və parkın
qurulması layihəsi ilə nəzərdə tutulub:
Qeyd olunan yerdə demontaj, montaj işləri aparılacaq. Demontaj
işləri çərçivəsində mini stadionun sıradan çıxmış hissələri, eləcə
də, onun örtüyü və sıradan çıxmış lampalar söküləcək. Montaj işləri
üçün torpaq örtüyü müəyyən hündürlükdə düzəldiləcək. Montaj
işlərinə görə, kauçuk və cığır dekorativ örtüyü, kauçuk səkilər
qurulacaq, stadionun hasarı, tribunalar, lampalar və trenajorlar
yenilənəcək.
Tenderdə iştirak etmək istəyənlər 10 iyun tarixindən 13 iyun
tarixinədək təkliflərini təqdim edə bilərlər. Qalib şirkət Marneuli
meriyası ilə müqavilə bağladıqdan sonra 90 gün ərzində işləri
təhvil verməli olacaq.