Gürcüstandan Türkiyəyə qanunsuz keçməyə cəhd edən 3 xarici ölkə
vətəndaşı saxlanılıb.
Bu barədə Gürcüstanın Sərhəd Polisindən bildirilib.
Daxili İşlər Nazirliyinin Sərhəd Polisi əməkdaşlarının həyata
keçirdikləri əməliyyat-istintaq tədbirləri nəticəsində saxlanılan
şəxslər Gürcüstan-Türkiyə sərhədinin “Kirnati” hissəsində
sərhəd-buraxılış məntəqəsindən yan keçməklə Türkiyəyə keçməyə
çalışıblar.
Həmin şəxslərin biri 1996-cı il təvəllüdlü Azərbaycan, ikisi isə
1990 və 1989-cu il təvəllüdlü Türkiyə vətəndaşıdır.
“Faktla bağlı Gürcüstan Cinayət Məcəlləsinin 19-344-cü
maddəsinin 2-ci hissəsinin “a” bəndi ilə istintaq
aparılır”, - məlumatda deyilir.
Faktla bağlı istintaq tədbirləri davam etdirilir. Törədilmiş
cinayət əməlinə görə 4 ildən 5 ilə qədər həbs cəzası nəzərdə
tutulur.