Gürcüstanın "Dinamo" (Tbilisi) komandası baş məşqçisi Kaxaber
Tsxadadze ilə yollarını ayırır.
Transfer siyasətindən narazı olan 54 yaşlı mütəxəssis Tbilisi
təmsilçisini tərk etməyə hazırlaşır.
Təcrübəli baş məşqçi hazırkı heyətlə avrokuboklarda layiqli
mübarizə aparmağın çətin olduğunu rəhbərliyə çatdırıb. Tərəflərin
qısa zamanda əməkdaşlığa son qoyacağı gözlənilir.
Qeyd edək ki, Kaxaber Tsxadadze 2021-ci ilin mayından "Dinamo"ya
rəhbərlik edir. Mütəxəssis 2008-ci ildə Bakının "Standard", 2009 -
2014-cü illərdə isə "İnter" (hazırkı "Şamaxı") komandalarının baş
məşqçisi olub. O, Qazaxıstanın "Ordabaşı" komandasında da
çalışıb.
Mənbə: report.az