Diqmi massivində baş verən qətl hadisəsi ilə bağlı bir nəfərə qarşı cinayət işi açılıb.

Gürcüstan Prokurorluğunun məlumatına görə, Daxili İşlər Nazirliyi tərəfindən aparılan istintaqla müəyyən edilib ki, martın 24-də Tbilisidə, Diğomi massivinin 3-cü məhəlləsində, mübahisə zamanı təqsirləndirilən şəxs bıçaqla zərərçəkmişin bədənin müxtəlif hissələrinə bir neçə xəsarət yetirib. Zərərçəkmiş yerindəcə keçinib.

Hüquq-mühafizə orqanlarının əməkdaşları həmin gün şübhəli şəxsi saxlayıblar. O, Gürcüstan Cinayət Məcəlləsinin 10 ildən 15 ilədək həbsi nəzərdə tutan 108-ci (qəsdən adam öldürmə) maddəsi ilə ittiham olunub.

Artıq prokurorluq təqsirləndirilən şəxslər barəsində həbs qətimkan tədbirinin seçilməsi ilə bağlı vəsatətlə məhkəməyə müraciət edib.