Marneuli və Hucabinin yepiskopu Qiorqi Camdeliani həftə xütbəsində
onun evlənməsi haqqında yayılmış məlumat haqqında danışıb.
Marneuli və Hucabinin yepiskopu xütbə zamanı siyasi çıxış da edib.
O, müxalifəti və media təşkilatlarını tənqid edib.
“İndi birbaşa “Milli Hərəkat sektasına” müraciət
edirəm. “Mtavari Arxi” və guya ki, müxalifət və guya tənqidi
mediaya, heç bir etikası olmayanlara müraciət edirəm,
vicdan-namuslarının olmadığı aydındır. Həmin sekta və onların
televiziyaları yalan, məsxərə, bizim kilsənin və dövlətçiliyimizin
tapdalanması ilə məşğuldur. İndi birbaşa sizə müraciət edirəm, indi
seçkilər gəlir və yazıq bu hökumətə ki, siz siyasi təşkilat kimi bu
gün mövcudsunuz, bu millət sizə öz yerinizi göstəmədi, ancaq siz
mütləq siyasi zibilliyiə düşəcəksiniz, buna mən söz
verirəm”.
“Mtavari Arxi” telekanalı Marneuli və Hucabinin yepiskopu Qiorqi
Camdelianin nikah bağlaması barədə məlumat yayıb. Televiziyanın
hazırladığı süjetə əsasən, Mestiyadan olan mənbə onlara bildirib
ki, Marexi Caparidze bir neçə ay əvvəl Sinodun üzvü olan Qiorqi
Camdelianinin həyat yoldaşı olub. Keşiş İlia Çiğladze yepiskopun
evləndiyini təsdiq edib.
Marneuli və Hucabinin yepiskopu “Mtavari Arxi” tərəfindən
yayımlanmış məlumata və İlia Çiğladzenin çıxışına münasibət
bildirib.
“Mən indi necə düzgün və müqəddəs olduğumdan
danışmayacağam. Mən həqiqətən günahkar olduğumdan və günahlarımın
məni kilsəyə aparıb çıxarmasından söhbət açacağam. O zaman 22 yaşım
var idi. Amma sizdən fərqli olaraq ruhani şəxs millət və allah
qarşısında ağır məsuliyyət daşıyır. Ancaq mənim, sizin kütlənizə,
ümumiyyətlə kilsəyə qarışıqlıq salan bu saxtakarlar xilaskarın
dövründə də var idi. Onlar yaxşı olduqlarını deyirlər. Sən
yaxşısansa, yepiskop Qiorqi kimi günahkar, pis adam deyilsənsə ən
yaxşısı ol. Təsəvvür edin, Çiğladze hansı səviyyəyə düşüb, İlia
Çiğladze, ən aşağı səviyyədə düşmüş adam, mənim ona həqiqətən çox
yazığım gəlir. Amma bu adam bundan əlavə əminəm ki, öz kürəkəni
Petre Kolxi kimi böyük sifarişlər yerinə yetirir. Çiğladze
böhtançı, öz təlimləri ilə bidətçidir, təsəvvür edin ki, ədalətlə
mühakimə olunmuş, keşişliyi dayandırılmış və ona tövbə etmək üçün
vaxt verilmişdir. Bu vaxtdan tövbə üçün yararlanacağına o, məsxərə,
kilsəyə qarşı, dövlətə qarşı işlərlə məşğuldur. İlk öncə insan,
sonra keşiş, yepiskop olmalısan. Vəzifə insanı kişi etmir. Amma
kişi insan simasını itirəndə bilmirəm, bəlkə ona müqəddəs üçlük
yardım edə bilər. Amma indi diqqətinizə çatdırmaq istəyirəm ki, bu
birbaşa, mütləq baş verəcək, onun məsələsi sinodda qaldırılacaq və
heç kim ona kömək edə bilməz, çünki bidətçi, böhtançı xütbəsində
deyir ki, belə bir şey var, qadın yepiskop, keşiş olmalıdır,
təsəvvür edirsiniz nə danışır? Qalan hər şeyi kənara qoysaq belə,
hər şey aydındır. Bir rus ekzarxı Pavle, bir də İlia Çiğladze öz
möminlərini lənətləyib.”.
Xütbənin sonunda Marneuli və Hucabinin yepiskopu möminləri
qorxmamağa və dik durmağa çağırıb. Çünki kilsəyə heç nə üstün gələ
bilməz.
“Yepiskop institutuna və kilsəyə toxunmaq
qəbuledilməzdir. Bunlar böhtançıdırlar və bilirlər ki, kimisə
günahlandırmaq belə olmur, insanlara yanlış fikirlər aşılanmır,
müqəddəs sinoda müraciət etməlidir və məktub yazmalıdırlar ki, əgər
mən bunu təsdiq edə bilməsəm eyni cəza ilə özüm cəzalandırılacağam
və s. Hər şeyin kilsədə öz forması və qanuni normaları var. Onlar
bunu yaxşı bilirlər, amma bu onları maraqlandırmır. Xristinalıq
deyir ki, əgər qardaşına yazığın gəlirsə get və təklikdə onunla
danış, əgər qardaşın səni dinləməsə iki-üç nəfər ilə get, onlarla
birlikdə sözünü sübut et. Bunlar hansısa qanuni pozuntudan
danışırlar, kilsənin bu normalarından danışırlar? Onlar bütün
inancları tapdalayırlar və uzun zamandır
tapdalayıblar”.
“Birinci daşı məndən daha məsum olan adam atsın və
palçıq atanın əli təmiz qalmaz” - Marneuli və Hucabi
yepiskopu bazar günü xütbəsini belə başa vurub və camaata dəstəyə
görə minnətdarlığını bildirib.