“Gender zorakılığına qarşı mübarizə və gender bərabərliyi üçün,
vətandaş cəmiyyətinin gücləndirilməsi” layihəsi çərçivəsində
Marneulili qadınlar üçün təlim keçiriləcək.
Təlimdə 25 qadın iştirak edə biləcək.
“Gürcüstanın Azərbaycanlı Qadınlar İttifaqı”nın
həyata keçirəcəyi layihənin əsas məqsədi Marneuli bələdiyyəsində
yaşayan qadınların gücləndirilməsidir.
“SHUTTLE proqramında iştirak etmək istəyənlərin qəbulu
artıq başladı! Əgər siz Marneuli bələdiyyəsində yaşayan yetkin
qadınsınızsa, 2 ildir işləməmisinizsə və peşə sahibi olmaq və ya öz
biznesinizi qurmaq istəyirsinizsə, bu proqram sizin üçündür.
SHUTTLE, həssas əhali qruplarına daxil olan şəxslərin iş dünyasında
iştirakını artırmaq üçün, onlara öz kiçik bizneslərini
qurmaqlarında və məşğulluqlarına dəstək olmaq məqsədi daşıyan fərdi
inkişaf proqramıdır. Öz biznesinizi qurmaqla, hər hansısa peşə
sahibi olmaqla və ya sadəcə şəxsi inkişafınızla maraqlanırsınızsa,
SHUTTLE proqramına qoşulun və məqsədlərinizə çatmaq üçün şəxsi və
sosial bacarıqlarınızı təkmilləşdirin. Proqrama 3 aylıq təlimlər
(həftədə 2 dəfə, 4 saat) və fərdi konsultantlıq xidmətləri də
daxildir. Proqramda iştirak edəcək hər komanda üçün Marneuli
bələdiyyəsində yüksək motivasiyalı 25 qadın iştirakçı
seçiləcək”, – məlumatda deyilir.
Təlimlərdə müzakirə olunacaq mövzular iştirakçıların maraq və
ehtiyaclarına uyğunlaşdırılıb və aşağıdakı məsələləri əhatə
edəcək:
- İdeyalar yaratmaq/Yaradıcı düşünmə
- Emosional zəka/Duyğusal zəka
- Bazarın təhlili
- Zamanın idarə edilməsi/Vaxtın təşkili
- Şəxsi brend
- Maliyyə və marketinq planı
- Biznes planının hazırlanması
- Mülki iştirak
- Davamlı inkişaf
- Danışıq aparma texnikaları
- Təqdimatların təqdim edilməsi
- Komanda işi
Təlimlərə müxtəlif şirkət və təşkilatlardan dəvət olunmuş proqram
təlimçiləri və korporativ könüllülər rəhbərlik edəcək.
“Nəzərinizə çatdırmaq istəyirik ki, seçim prosesinin
yalnız birinci mərhələsindən uğurla keçən namizədlərlə əlaqə
saxlanılacaq”.
Proqram haqqında ətraflı məlumat üçün aşağıdakı nömrələrlə əlaqə
saxlaya bilərsiniz:
- Gürcüstanın Azərbaycanlı Qadınlar İttifagınin sədri:
Leyla Süleymanova +995 593205065
- Proqram üzrə təlimçi: Ləman Məmmədova - +995 599 17 99
91
Müraciətlərin son qəbul tarixi 30 apreldir. Proqramda iştirak etmək
istəyən şəxslər
linkə daxil olaraq
qeydiyyatdan keçə bilərlər.
Təlimlər Marneulidə keçiriləcək.
Qeyd edək ki, proqram “Gürcüstanın Azərbaycanlı Qadınlar
İttifaqı”ının təşkilatçılığı və Avropa İttifaqı tərəfindən
dəstəklənən “Gender zorakılığının aradan qaldırılması və gender
bərabərliyi məqsədi ilə vətəndaş cəmiyyətinin gücləndirilməsi”
layihəsi çərçivəsində həyata keçirilir.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.