Laçında keçiriləcək "Diaspor Gənclərinin V Yay Düşərgəsi"nə qeydiyyat başlayıb (VİDEO)
13:02 / 30.05.2024
Azərbaycan Respublikasının Diasporla İş üzrə Dövlət Komitəsi və
Heydər Əliyev Fondunun birgə təşkilatçılığı ilə
“Gənclər Yaşıl Dünya Naminə” Diaspor Gənclərinin V Yay Düşərgəsi
2024-cü ilin 1-7 avqust tarixində qədim Azərbaycan torpağı Laçında
keçiriləcək.
Bu barədə məlumatı Azərbaycan Respublikasının Diasporla İş üzrə
Dövlət Komitəsi məlumat yayıb.
Məlumata görə, düşərgədə dünyanın müxtəlif ölkələrində yaşayan
100-dən çox gəncin, o cümlədən azərbaycanlıların və Azərbaycana
dost münasibət bəsləyən digər xalqların gənclərinin iştirakı
nəzərdə tutulur.
“Düşərgə iştirakçıları bir həftə ərzində Laçının, eləcə
də Qarabağın tarixi, mədəni abidələri ilə tanış olmaq, şəhid
ailələrinin üzvləri və qəhrəman qazilərimizlə, həmçinin müxtəlif
sahələr üzrə ekspertlərlə görüşmək, eləcə də əylənmək və
intellektual oyunlarda iştirak etmək imkanı qazanacaqlar.
Yay düşərgələri xaricdəki yeni nəsil azərbaycanlıların ölkəmizlə
bağlarını daha da möhkəmləndirmələri, Azərbaycanı uğurla təmsil
etmək bacarıqlarını inkişaf etdirmələri, şəbəkələşmələri, yeni
dostlar qazanmaları və s. üçün gözəl fürsətdir.
Dünyanın müxtəlif ölkələrində yaşayan azərbaycanlıları və
Azərbaycana dost münasibət bəsləyən digər xalqların gənclərini yay
düşərgəsində iştirak etməyə dəvət edirik.
Düşərgədə yaşı 18-29 arası, Azərbaycan dilində ünsiyyət bacarığı
olan gənclər iştirak edə bilər. Bundan əvvəl təşkil olunmuş
düşərgələrdə iştirak etmiş gənclərin təkrar iştirakı nəzərdə
tutulmur. Düşərgədə iştirak xərcləri tam şəkildə
qarşılanacaq”, – məlumatda qeyd olunub.
Düşərgədə iştirak etmək üçün gənclər 30 iyun 2024-cü il tarixinə
qədər www.diaspor.gov.az/qeydiyyat
səhifəsində yerləşdirilmiş onlayn anket formasını tam olaraq
doldurub göndərməlidir. Seçim prosesi müraciətlərin qəbulu və video
müsahibələrin keçirilməsi üzrə iki mərhələdə aparılacaq.
Qeydiyyat, proqram, iştirakçıların seçim prosesi və digər vacib
məlumatları əldə etmək üçün www.diaspor.gov.az
saytını diqqətdə saxlamaq vacibdir.
Əlavə məlumat üçün əlaqə vasitələrini təqdim edirik:
Tel.: +99412
4931054
Mob.: WhatsApp: +99450
7622595
E-mail:
This e-mail address is being protected from spambots. You need JavaScript enabled to view it
Xatırladaq ki, Diasporla İş üzrə Dövlət Komitəsi və Heydər Əliyev
Fondunun birgə təşkilatçılığı ilə bu günə kimi Diaspor gənclərinin
Şəki, Şamaxı, Şuşa və Naxçıvan şəhərlərində 4 yay düşərgəsi təşkil
olunub. Dünyanın 50-dən çox ölkəsində yaşayan yüzlərlə gənc həmin
düşərgələrdə iştirak edib.
Bizi Teleqramda izləyin! Yeni xəbərlər anında kanalda! Linkə daxil olub
abunə olun!
Bizi WhatsAppda izləyin! Yeni xəbərlər anında kanalda! Linkə daxil olub
abunə olun!
Digər maraqlı xəbərlər "Marneuli" radiosunun
Facebook səhifəsində.
Bizi "Telegram"da
izləyin.
Şahidi olduğunuz hadisələri çəkib bizə göndərin!
+995557994415“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.