Bu il də Marneulidə “Yay bağçası” fəaliyyət göstərəcək.
Bu barədə “Marneuli” radiosuna müsahibəsi zamanı Uşaq Bağçaları
Birliyinin rəhbəri Zaur Kərəmov məlumat verdi. Kərəmovun sözlərinə
görə, əgər “Yay bağçası”na müraciətlər çox olarsa ikinci qrup da
açıla bilər.
“Yay bağçasına təlabat var və indidən müraciətlər var.
Əgər müraciətlər çox olarsa ikinci qrup da açıla bilər. Bir qrupda
isə 30 uşaq olmalıdır”, – Kərəmov bildirdi.
Uşaq Bağçaları Birliyinin rəhbərinin dediyinə görə, “Yay bağçası”na
hər iki valideyni işləyən uşaqlar qəbul ediləcək.
“Yay bağçası həmişə olduğu kimi Marneulidə fəaliyyət
göstərən 1 saylı uşaq bağçasında olacaq. Burada qeydiyyat iyun
ayının ikinci həftəsinin birinci günündən başlayacaq. Yay bağçası
iyulun 1-dən iyulun 30-a qədər davam edəcək. Yay bağçasına
qeydiyyat üçün hər iki valideynin işləməsi şərtdir. Hər iki
valideyn isə qeydiyyat üçün mütləq iş yerindən arayış
gətirməlidir”.
Marneulidə “Yay bağçalarının” fəaliyyət təcrübəsi illərdir var. Yay
bağçasının fəaliyyətini bələdiyyədə 1 saylı uşaq bağçası həyata
keçirir. “Yay bağçası” işləyən valideynlərin uşaqları üçün nəzərdə
tutulub.
Onu da qeyd edək ki, Marneuli bələdiyyəsində fəaliyyət göstərən
uşaq bağçalarına qeydiyyat isə iyun ayının 3-dən başlayacaq və 30
iyun tarixinə qədər davam edəcək. Qeydiyyat prosesi bağçalarda
həyata keçiriləcək.
Bağçalara qeydiyyat üçün hansı sənədlər tələb olunur:
- Uşağın doğum haqqında şəhadətnaməsinin notarial qaydada
təsdiqlənmiş surəti
- Sağlamlıq haqqında arayış
- 4 ədəd fotoşəkil (3/4)
- Valideynin şəxsiyyət vəsiqəsinin surəti
- Yaşayış yerindən arayış
Bundan başqa:
- Sosial statuslu ailə olduğu haqda arayış və ya məcburi
köçkün olduğu halda sənədin təqdim olunması
- Eyni zamanda məhdud imkanlı şəxslərin statusunu təsdiq
edən sənəd lazımdır.
Qeyd edək ki, uşaqların qeydiyyatı 12 bağçada həyata keçiriləcək.
Qeydiyyat prosesi isə saat 9:00-dan 17:00-a kimi davam edəcək.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.