28 aprel tarixində Marneuli Bələdiyyə Məclisinin növbədənkənar
iclası baş tutub. İclasa müzakirə üçün bir məsələ çıxarılmışdı və
deputatlar həmin məsələni dəstəklədi. Məsələnin müzakirə edilməsi
üçün Bələdiyyə Məclisinə mer Kənan Ömərov çıxarmışdı.
Marneuli Bələdiyyə Məclisi Aparatının rəhbəri Nino Beridze
“Marneuli” radiosu ilə söhbəti zamanı bildirdi ki, Bələdiyyə
Məclisinin iclasında 26 may münasibətilə Marneulidə bayrağın
ucaldılması məsələsini müzakirə ediblər. Beridzenin sözlərinə görə,
Gürcüstan bayrağı Marneulinin girişində yerləşdirilmiş “Gürcüstan
hər şeydən əvvəl” lövhəsinin yanında ucaldılacaq. Bayrağın
dirəyinin hündürlüyü 22 metrə qədər olacaq.
Marneuli meriyasının Maliyyə-Büdcə Xidmətinin rəhbəri Vüqar
Məmmədov “Marneuli” radiosu ilə söhbəti zamanı bildirdi ki, indiki
mərhələdə araşdırma aparılır. Buna görə də meriyanın 26 may
münasibətilə Gürcüstan bayrağının ucaldılmasına neçə lari ödəməli
olacağı məlum deyil.