Marneuli bələdiyyəsinin uşaq bağçalarında yay tətili 30 iyun
tarixindən başlayacaq.
Məktəbəqədər təhsil Mərkəzinin yetirmələri isə 15 iyundan tətilə
çıxacaqlar. Uşaq Bağçaları Birliyinin rəhbəri Zaur Kərəmov bildirdi
ki, bələdiyyədə bu il “yay bağçası” fəaliyyət göstərməyəcək. Bunun
səbəbi illər ərzində pandemiya idi, indi isə binanın
bərpasıdır.
“Marneuli şəhər 1 saylı uşaq bağçasında yay məktəbi olurdu. İndi
isə təmir gedir. Gələn ildən fəaliyyətə başlayacaq. Başqa
bağçalarda buna şərait yoxdur. Məkan əlverişli deyil. Bütün
valideynlər üçün 1 saylı bağça uyğun idi”, – Zaur
Kərəmov bildirdi.
“Yay bağçasının” fəaliyyət göstərmə təcrübəsi Marneulidə illərdir,
mövcuddur. Hər il yay məktəbi funksiyasını bələdiyyədə 1 saylı
bağça həyata keçirir. 2020-ci ildə bağça pandemiyaya görə,
fəaliyyətini dayandırdı. 2019-cu ildə həmin bağça 42 uşaq qəbul
etdi. “Yay bağçası” işləyən valideynlər üçün nəzərdə tutulub.