29 may tarixində Marneuli bələdiyyəsinin Maradisi ictimai
məktəbinin ekoloji klubunun təşkilatçılığı ilə gül xeyriyyə
festivalı keçirilib.
Tədbirdən əldə edilmiş 700 lari Tamarisi kəndində yaşayan çoxuşaqlı
və aztəminatlı ailəyə övladlarını müalicə etmək üçün veriləcək.
Maradisi ictimai məktbinin ekoloji klubunun rəhbəri Lamara
Bolkvadze deyir ki, xeyriyyəçiliyə qoşulmaq istəyənlər bu mərhələdə
də qoşula bilər.
“Şagirdlər çiçək əkir, qulluq göstərir və ildə iki dəfə biz
festival keçiririk. Əldə olunan gəlirlə sağlamlıq problemi olan
uşaqlara kömək edirik. Bu ilki festivalda vermək üçün 700 larimiz
var. Bu pul çoxuşaqlı, aztəminatlı ailəyə veriləcək ki, xəstə
uşaqlarını müalicə etsinlər. Hələ hələ də var. Əgər kimsə almaq
istəsə bizimlə əlaqə saxlasın. Elə də baha deyil və xeyirişdə
iştirak etsinlər”- Lamara Bolkvadze bildirdi.
Bu həmin təhsil müəssisəsinin ekoloji klubunun etdiyi yeganə
xeyriyyə festivalı deyil. Bu məqsədlə illərdir müəllim və şagirdlər
müxtəlif fəalliyyətlər həyata keçirir.