სრულიად საქართველოს მუსლიმთა სამმართველომ ყურბან ბაირამთან დაკავშირებით სპეციალურ პენიტენციურ სამსახურს მიმართა.

სამმართველო პენიტენციურ სამსახურს, გასული წლის მსგავსად, წელსაც სთხოვს ნებართვას დღესასწაულზე პატიმრებისათვის კერძების შეტანასთან დაკავშირებით.

პენკტენციურმა სამსახურმა სამმართველოს ნებართვა მისცა სასჯელაღსრულების დაწესებულებაში 29-30 ივნისს შეიტანოს შემდეგი პროდუქტები.

გთავაზობთ ყურბან ბაირამთან დაკავშირებით დაწესებულებებში ნებადართული პროტუქტების სიას:

1. მოხარშული ხორცი - 3 კგ.
2. ფლავი - 2 კგ.
3. ყველი - 2 კგ.
4. ყურძნის ჩირით ტორტი-კეკსი.
5. შემწვარი და მოხარშული ქათმის ხორცი.
6. კიტრი-პომიტორი- 3 კგ.
7. ხილი - 5 კგ.

აღსანიშნავია, რომ წელს ყურბან ბაირამი ზოგ ქვეყნებში 28 ივნისს, ზოგში კი 29 ივნისს აღინიშნება. დღესასწაული 3 დღე გაგრძელდება.