Gürcüstanda üçüncü yeni koronavirusa yoluxma halı qeydə alındı. Bu
barədə jurnalistlərə Xəstəliklərə Nəzarət və İctimai Səhiyyə
Mərkəzinin rəhbəri Amiran Qamkrelidze məlumat verib.
Onun sözlərinə görə, virus İranda qayıtmış Gürcüstan vətəndaşında
aşkarlanıb.
“Bizdə 93 mümkün hal var idi. Bunlar müayinə olunan və müşahidə
altında saxlanılan şəxslərdir. Onların hamısı laboratoriya
şəraitində yoxlanılıb.
Bu gün səhər laboratoriya yolu ilə təsdiqlənmiş üçüncü hal qeydə
alındı. Həmin şəxs dünən Yoluxucu Xəstəliklər Xəstəxanasına
yerləşdirilib. O, İranda olmuş Gürcüstan vətəndaşıdır, onun virusa
ilk yoluxan şəxslə ünsiyyəti olub.
Dünən sərhəddə onda hərarət olması qeydə alınıb, Fövqəladə Hallar
Xidməti tərəfindən Yoluxucu Xəstəliklər Xəstəxanasına gətirilib və
nümunə götürülüb və koronovirusun olması təsdiqlənib. Hər üçünün
vəziyyəti qənaətbəxşdir”, – Qamkrelidze deyib.
Mənbə:
İnterPressNews