რუსეთის პრემიერ-მინისტრს, მიხაილ მიშუსტინს კორონავირუსი დაუდგინდა.
როგორც რუსული სახელმწიფო მედია
„ტასსი“ წერს, მიშუსტინმა ამის შესახებ თავად განაცხადა.
„ახლახან გახდა ცნობილი, რომ ტესტები, რომლებიც მე
კორონავირუსზე ჩავაბარე, დადებითი აღმოჩნდა“, —
განუცხადა მან პრეზიდენტ ვლადიმერ პუტინს ვიდეოკონფერენციის დროს.
„ტასსის“ ცნობით, მიშუსტინის მოვალეობებს პირველი ვიცე-პრემიერი
ანდრეი ბელოუსოვი შეასრულებს.
ოფიციალური ცნობებით, რუსეთში 30 აპრილისთვის კორონავირუსით 100 000
ადამიანზე მეტი დაავადდა. 11 619 ადამიანი გამოჯანმრთელდა,
გარდაიცვალა 1073.