სამხრეთ კორეის ბუსანის პორტში შესულ რუსულ გემზე ეკიპაჟის 16 წევრს
კორონავირუსი დაუდასტურდა, - ამის შესახებ ინფორმაციას CNN-ი ქალაქ
ბუსანის ადგილობრივი მთავრობის წარმომადგენელზე დაყრდნობით ავრცელებს.
მათივე ინფორმაციით, გემი, რომელზეც სულ 21 მეზღვაური იმყოფებოდა,
ქალაქ ვლადივასტოკიდან გამოვიდა და ბუსანის პორტში ორი დღის წინ
შევიდა.
როგორც წყარომ CNN-ს განუცხადა, დაახლოებით 60 პირი, რომლებსაც
მეზღვაურებთან კონტაქტი ჰქონდათ, კარანტინშია გადაყვანილი.