აშშ-ის სახელმწიფო მდივანმა, მაიკ პომპეომ გამოძიება დაიწყო მას
შემდეგ, რაც სახელმწიფო დეპარტამენტის ვებ-გვერდზე მოქმედი
პრეზიდენტის, დონალდ ტრამპის პრეზიდენტობის დარჩენილი ვადა შეიცვალა.
პორტალი BuzzFeed წერს, რომ ერთ-ერთმა "უკმაყოფილო თანამშრომელმა"
ტრამპის უფლებამოსილების ამოწურვის თარიღად 11 იანვარი მიუთითა. იგივე
თარიღი ვიცე-პრეზიდენტ, მაიკ პენსის ბიოგრაფიაშიც გაჩნდა.
სინამდვილეში კი ორივე რესპუბლიკელი პოსტს 20 იანვარს დატოვებს,
როდესაც არჩეული პრეზიდენტის, ჯო ბაიდენისა და ვიცე-პრეზიდენტის,
კამალა ჰარისის ინაუგურაცია გაიმართება.
ამასთან, სახელმწიფო დეპარტამენტი კიბერთავდასხმის ვერსიას არ
განიხილავს.
წყარო: report.ge