აზერბაიჯან-სომხეთის საზღვარზე ორი ქვეყნის სამხედრო ქვედანაყოფებს შორის ინტენსიური შეტაკებები მოხდა. ამის შესახებ ინფორმაციას

უცხოური მედია ავრცელებს.

აზერბაიჯანის თავდაცვის სამინისტრომ განაცხადა, რომ სომხეთის არმიამ საღამოს საათებში"ფართო პროვოკაცია განახორციელა დაშკეშენის, ქელბაჯარისა და ლაჩინის მიმართულებით".

განცხადებაში ნათქვამია, რომ "სომხეთის შეიარაღებული ძალების დივერსიული ჯგუფები სხვადასხვა მიმართულებით აზერბაიჯანის არმიის პოზიციებს შორის არსებულ მიწებსა და გზებზე ნაღმებს ანთავსებდნენ. ამ სიტუაციის თავიდან ასაცილებლად აზერბაიჯანის ჯარების მიერ გატარებული ღონისძიებების შედეგად მოხდა შეტაკებები".

როგორც მედია წერს, თავდასხმის შედეგად დაიღუპნენ სამხედრო მოსამსახურეები დადაზიანდა სამხედრო ინფრასტრუქტურა.

ამასთან, სომხური მხარის ცნობით, 13 სექტემბერს, ადგილობრივი დროით 00:05 საათზე, აზერბაიჯანის შეიარაღებული ძალების ნაწილებმა არტილერიისა და მსხვილკალიბრის ქვემეხებიდან სომხური პოზიციების ინტენსიური დაბომბვა დაიწყეს გორისის, სოტკისა დაჯერმუქის მიმართულებით.

თავდაცვის სამინისტროს სპიკერი არამ ტოროსიანის "ფეისბუქის" საკუთარ გვერდზე წერს, რომ მტერი უპილოტო თვითმფრინავებსაც იყენებს.