რუსეთში პილოტი გასაფრენად გამზადებული თვითმფრინავის ბორტიდან
მოხსნეს,
რადგან მას შეეხო ქვეყანაში გამოცხადებული ნაწილობრივი სამხედრო
მობილიზაცია.
ამის გამო ქალაქ უფიდან ანტალიის მიმართულებით დანიშნული ფრენა 9
საათით გადაიდო.
ინფორმაცია მომხდარის შესახებ ადგილობრივმა გამოცემა Mkset.ru-მ დღეს,
14 ოქტომბერს გაავრცელა.
გამოცემა ავრცელებს ერთ-ერთი მგზავრის მონათხრობს, რომლის თანახმადაც,
პილოტი პირდაპირ ბორტიდან მოხსნეს და სამხედრო კომისარიატში
წაიყვანეს.
„ყველა შოკში იყო. სამხედრო აღრიცხვისა და გაწვევის
თანამშრომლები პილოტის წასაყვანად მოვიდნენ. ჩვენ უნდა
გავფრენილიყავით 30 სექტემბრის 5:20 საათზე, მაგრამ საბოლოოდ, ფრენა
უფის დროით 14:00 საათზე, დაგვიანებით შესრულდა.
თავდაპირველად ვიცადეთ ორი საათი, შემდეგ ყველა სასტუმროებში
გაგვაგზავნეს. მანამდე დინამიკში გამოაცხადეს, რომ მობილიზაციის გამო
პილოტს აკრძალული ჰქონდა საზღვრის გადაკვეთა, შესაბამისად, აფრენა
გაუქმდა და თვითმფრინავის დატოვება გთხოვეს“, —
განაცხადა ერთ-ერთმა მგზავრმა.
როგორც გამოცემა იუწყება, წინასწარი ინფორმაციით, პილოტმა სამხედრო
გაწვევის შესახებ ინფორმაცია სახლში მიიიღო, თუმცა კომისარიატში არ
გამოცხადდა.
Mkset.ru მომხდარზე უფის აეროპორტსა და საავიაციო კომპანია AzurAir-ს
დაუკავშირდა, თუმცა მათგან პასუხი ჯერ არ მიუღია.