რუსეთმა უკრაინაში 100 000-ზე მეტი სამხედრო დაკარგა, - ამის შესახებ
ნათქვამია უკრაინის შეიარაღებული ძალების გენერალური შტაბის
ანგარიშში.
„თითქმის 9 თვის განმავლობაში, რუსეთმა უკვე დაკარგა 100 000-ზე მეტი
ჯარისკაცი, 3 000 ტანკი და დაახლოებით 6000 სხვა ჯავშანტექნიკა
უკრაინაში“, - აცხადებენ გენშტაბში.
უწყების მონაცემებით, ბოლო ერთი დღის განმავლობაში თავდაცვის ძალების
ავიაციამ 14 დარტყმა მიაყენა მოწინააღმდეგის ცოცხალი ძალის,
იარაღისა
და სამხედრო ტექნიკის კონცენტრაციის ტერიტორიებს.
ასევე, უკრაინელმა დამცველებმა ჩამოაგდეს მტრის კუთვნილი Forpost-ისა
და Lancet-3 ტიპის უპილოტო საფრენი აპარატები.
„უკრაინის სარაკეტო და საარტილერიო დანაყოფებმა სამ სამეთაურო პუნქტს
და მოწინააღმდეგის ცოცხალი ძალის თავმოყრის ორ ზონას
დაარტყეს“, - აცხადებენ გენშტაბში.