რუსეთში, ულიანოვსკში, სამხედრო-სატრანსპორტო თვითმფრინავი Ил-76МД-ს
საქარხნო გამოცდისას მომხდარი კატასტროფის შედეგად ერთი ადამიანი
დაიღუპა და ხუთი დაშავდა. ფიუზელაჟის ჰერმეტულობის შემოწმებისას
აფეთქება მოხდა, წერს გამოცემა „ბაზა“.
ფიუზელაჟის აწყობის ერთ-ერთ ეტაპზე ამოწმებენ მის ჰერმეტულობას. მასში
აირს ტუმბავენ და წარმოქმნიან წნევას, იტყობინება გაერთიანებული
ავიასამშენებლო კორპორაცია. 2 მარტს ამ სამუშაოების ჩატარებისას
თვითმფრინავის კორპუსმა ჰერმეტულობა დაკარგა. გამოცემა „ულპრესა“
აზუსტებს, რომ კორპუსიდან დეტალები გამოფრინდა. დაღუპული 45 წლის იყო,
მის ვინაობას არ აცხადებენ.
Ил-76-ს 1975 წლიდან უშვებენ. ეს რუსეთში ძირითადი მძიმე
სამხედრო-სატრანსპორტო თვითმფრინავია. დეკემბრის მდგომარეობით,
„ავიასტარმა“ საერთო ჯამში ააგო და ჩააბარა 17 ერთეული Ил-76МД.
წელიწადში აგებენ მაქსიმუმ ოთხ ასეთ თვითმფრინავს.