ნიდერლანდებში, ქალაქ ვორსხოტენში, სამგზავრო მატარებელი რელსებიდან
გადავიდა,
რის შედეგადაც ერთი ადამიანი დაიღუპა და რამდენიმე სერიოზულად
დაშავდა, - ინფორმაციას მედია საშუალებები ნიდერლანდების საგანგებო
სიტუაციების სამსახურებზე დაყრდნობით ავრცელებენ.
მათივე ინფორმაციით, შემთხვევა ჰააგიდან რვა კილომეტრში მოხდა.
ავარიის დროს მატარებელში დაახლოებით, 60 ადამიანი იმყოფებოდა.
საინფორმაციო სააგენტო Reuters-ი იუწყება, რომ მათგან 30 დაშავდა.
ნიდერლანდების რკინიგზაში აცხადებენ, რომ მომხდარის გამო მატარებლების
მოძრაობა ლეიდენიდან და მისი მიმართულებით შეჩერებულია.