Baş nazir İrakli Kobaxidze gənclərə rus qanunları ilə bağlı ictimai
müzakirələr keçirməyi təklif edir.
Bu barədə Kobaxidze bu gün, mayın 17-də bəyanat yayıb.
Kobaxidzenin dediyinə görə, “rus qanunlarına qarşı etiraz
aksiyalarında iştirak edən gənclərlə birlikdə sizin nüfuzlu ekspert
hesab etdiyiniz “2-3 gənc olmayan” da müzakirədə iştirak edə
bilər”.
Kobaxidzenin sözlərinə görə, rus qanunları ilə bağlı “emosiyalar
səngiyib” və bunun fonunda qanunla
bağlı sağlam müzakirə üçün daha
yaxşı fürsət yaranıb.
“Buna uyğun olaraq, aksiyalarda iştirak edən gənclərə
təklif edirəm ki, şəffaflıq haqqında qanun ətrafında ictimai
müzakirə aparacağım on nümayəndə seçsinlər. Nüfuzlu ekspert hesab
etdiyiniz 2-3 qeyri-gənclə də müzakirələrdə iştirak edə
bilərsiniz.
Ümid edirəm ki, bu dəfə biz konstruktivliyə və aşkarlığa layiqli
cavab alacağıq və radikal müxalifətə mənsub səfirlərdən və mediadan
fərqli olaraq, gənclər şəffaflıq qanunu ilə bağlı sağlam
müzakirələrdə iştirak edəcəklər”, - Kobaxidze
bildirib.
İndiyədək İrakli Kobaxidze rus qanunlarına qarşı etirazlarda
iştirak edən gənclər hərəkatlarını zorakı təşkilatlar
adlandırdığını bəyan edib.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.