Gürcüstanın baş naziri İrakli Kobaxidze xarici işlər naziri İliya Darçiaşvili ilə birlikdə prezident İbrahim Rəisi,

xarici işlər naziri Hüseyn Əmir Abdolahyan və digər dövlət rəsmilərinin dəfn mərasimində iştirak etmək üçün İran İslam Respublikasına gedib.
Məlumatı Gürcüstan hökuməti yayıb.

Tehrana gözlənilməz səfərindən bir neçə saat əvvəl Gürcüstan hökuməti İrakli Kobaxidzenin İranın Tbilisidəki səfirliyində başsağlığı kitabına qeyd qoyub, İran xalqına başsağlığı verdiyini bildirib.

İranın və beynəlxalq medianın məlumatına görə, Tunis və Tacikistan prezidentləri, Qətər əmiri Şeyx Həməd bin Xəlifə Əl-Tani Təmim, İraqın baş naziri Məhəmməd Şia Əl Sudan, eləcə də Ermənistanın baş naziri Nikol Paşinyan, Rusiya Dumasının sədri Vyaçeslav Volodin, Türkiyənin vitse-prezidenti Cövdət Yılmaz və xarici işlər naziri Hakan Fidan, Pakistanın baş naziri və baş nazirinin müavini, Çinin baş nazirinin müavini, Misirin xarici işlər naziri və başqaları dəfn mərasimində iştirak ediblər.

Rəisinin dəfn mərasimində “Həmas”ın siyasi lideri İsmayıl Haniyə və “Hizbullah” liderinin müavini Naim Qasım da iştirak edib. “New York Times”ın məlumatına görə, terror qruplarının liderləri mərasimdə “Amerikaya ölüm” və “İsrailə ölüm” şüarları ilə çıxıblar.

İran prezidenti və xarici işlər naziri mayın 19-da helikopter qəzasında həlak olub.

İbrahim Rəisi 2021-ci ildə İran prezidenti oldu ki, bu da İranda vətəndaşlara qarşı repressiyaların güclənməsinə, xüsusilə gənclərin etirazlarının vəhşicəsinə yatırılmasına səbəb oldu və bu, çoxlu gəncin öldürülməsi və edam edilməsi ilə müşayiət olundu.

İran uzun illərdir ki, beynəlxalq sanksiyalar altındadır və onun aviasiyası son dərəcə köhnəlmişdir, çünki təyyarə və onların hissələri istehsalçılarına ölkəyə hər hansı məhsul tədarük etmək qadağandır.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---

---

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.