მერია ხიხანში არსებული მინი სტადიონის რეაბილიტაციას გეგმავს
მარნეულის მუნიციპალიტეტის მერია სოფელ ახლოლალოში კომბინირებული მინი
სტადიონის მოწყობას, ხოლო ხიხანში არსებული მინი სტადიონის
რეაბილიტაციას გეგმავს.
ადგილობრივმა თვითმმართველობამ საპროექტო-სახარჯთაღრიცხვო
დოკუმენტაციის შედგენის მომსახურების შესყიდვისათვის 3 560 ლარიანი
ტენდერი გამოაცხადა.
სატენდერო დოკუმენტაციიდან ირკვევა, რომ ახლოლალოში საფეხბურთო
მოედანის მოწყობის სავარაუდო თანხა 80 000 ლარია.
ხიხანში არსებული მინი სტადიონის რეაბილიტაციის სავარაუდო ღირებულება
კი 40 000 ლარს შეადგენს.
საპროექტო-სახარჯთაღრიცხვო დოკუმენტაციის შედგენის მომსახურების
შესყიდვის ტენდერი მარნეულის მერიამ 5 თებერვალს გამოაცხადა. მასში
მონაწილეობის მიღება მსურველ პრეტენდენტებს 14-დან 16 თებერვლამდე
პერიოდში შეეძლებათ. გამარჯვებული ვალდებული იქნება სამუშაოები
ხელშეკრულების გაფორმებიდან 40 კალენდარულ დღეში შეასრულოს.
ძირითადი სამოშაოები, რომლებიც ახლოლალოსა და ხიხანში
განხორიელდება:
• დაზიანებული მავთულბადის დემონტაჟი და ახლის მოწყობა
• მოედანზე ბეტონის მოჭიმვა ქვიშა-ხრეშოვანი ნარევით
• ხელოვნური საფარის დემონტაჟი და ახლის მოწყობა
• განათების მოწყობა
• ლითონის კონსტრუქციების შეღებვა