მარნეულის მინივენებმა თბილისის მიმართულებით გრაფიკი შეცვალეს
მარნეულის მინივენების სამუშაო გრაფიკი შეიცვალა.
ცვლილება მგზავრთა ნაკადის გაზრდას უკავშირდება. როგორც მინივენების
წარმომადგენელი რადიო „მარნეულთან“ საუბრისას ამბობს, პირველ
მარშრუტს ტაქსი დილის 06:00 საათზე ასრულებს.
"დილის ექვსის ნახევრიდან ვიწყებთ მუშაობას. პირველი მანქანა
06:00 საათზე გადის. მოემატა მგზავრები. ძალიან ბევრი სტუდენტია ახლა.
5 წუთში ივსება 3-4 მანქანა და თბილისიდან გამოდიან ყოველ 15 წუთში.
რა საცობებიც არის, ჩემზე კარგად მოეხსენებათ 45 წუთში-1 საათში
ჩამოდიან მანქანები. მარნეულიდან ბოლო რეისი 18:30 საათზე გადის,
თბილისიდან დაახლოებით რვის ნახევარზე. თუ საცობები არ იყო ამ
შემთხვევაში", - აღნიშნავენ კომპანიაში
შეიძლება ითქვას, რომ მინივენები მარნეულისთვის ერთ-ერთი კომფორტული
საშუალებაა და ხშირად მას სტუდენტები იყენებენ. მარნეულს 30
ტაქსი ემსახურება. ერთი გზა 3 ლარი ღირს. თბილისიდან წამოსვლა ყველაზე
გვიან დაახლოებით რვა საათამდე შეგიძლიათ. მარნეულიდან თბილისში
წასვლა შვიდის ნახევრამდეა შესაძლებელი.