საჯარო სკოლის დირექტორობის მსურველთა სერტიფიცირების პროცესი იწყება.
რეგისტრაცის გავლა 2022 წლის 24 ოქტომბრიდან 4 დეკემბრის ჩათვლით
იქნება შესაძლებელი. მარნეულის მუნიციპალიტეტში არსებულ საჯარო სკოლის
დირექტორებს თანამდებობაზე ყოფნის 6 წლიანი ვადა 2020 წელს ამოეწურათ.
74-ივე საგანმანათლებლო დაწესებულებას ახლა დირექტორის მოვალეობის
შემსრულებლები მართავენ.
დირექტორობის მსურველთა სერტიფიცირება ორ საფეხურს – ტესტირებასა და
გასაუბრებას მოიცავს.
სერტიფიცირების მსურველთა რეგისტრაცია უნდა გაიაროონ შესაბამის ბმულზე
https://directors.mes.gov.ge
სერტიფიცირების პროცესში მონაწილეობის შესაძლებლობა მიეცემათ უმაღლესი
განათლების მქონე საქართველოს მოქალაქეებს, რომელთაც მუშაობის
არანაკლებ 3-წლიანი გამოცდილება აქვთ.
2020 წელს გამოცხადებული დირექტორობის მსურველთა შესარჩევი კონკურსის
ფარგლებში უკვე დარეგისტრირებული პირები ხელახალ რეგისტრაციას აღარ
საჭიროებენ.
დირექტორობის მსურველთა საგამოცდო პროგრამა და ტესტის ნიმუშები 24
ოქტომბრიდან ხელმისაწვდომი იქნება ვებგვერდზე:
https://directors.mes.gov.ge
26 ოქტომბრიდან დირექტორობის მსურველებს ექნებათ საშუალება,
ვებგვერდზე
https://el.ge ვებინარის
სახით მიიღონ კონსულტაცია შემდეგ თემებზე:
1. სკოლის დირექტორის სტანდარტი;
2. განათლების ხარისხის მართვის მექანიზმები;
3. სკოლის სტრატეგიული დაგეგმვა და განვითარება;
4. სასკოლო კურიკულუმის შემუშავება;
5. სასკოლო კურიკულუმის დანერგვა: მოსწავლეზე ორიენტირებული
პროცესი;
6. სასკოლო კურიკულუმის მონიტორინგი და შეფასება;
7. ადამიანური რესურსების მართვა და განვითარება;
8. ადამიანებისა და პროცესების უსაფრთხოება;
9. მატერიალური და ფინანსური რესურსების მართვა;
10. საინფორმაციო რესურსები და სტრატეგიული კომუნიკაცია;
11. მოსწავლეთა უფლებების დაცვა და მათი მხარდაჭერის
ღონისძიებები;
12. სასკოლო კულტურის ფორმირება.
სერტიფიცირებით დაინტერესებულ პირებს შესაძლებლობა ექნებათ,
კონკრეტული შეკითხვები გამოაგზავნონ ელექტრონულ ფოსტაზე –
This e-mail address is being protected from spambots. You need JavaScript enabled to view it
.