2023 წელს საკანალიზაციო სისტემის გაწმენდასა და მოვლა-შენახვაში მარნეულის მერია 50 847 ლარის გადახდას გეგმავს
მარნეულის მუნიციპალიტეტის ადგილობრივმა თვითმმართველობამ
საკანალიზაციო სისტემის გაწმენდისა და მოვლა-შენახვის სამუშაოების
შესყიდვისათვის ტენდერი გამოაცხადა.
მარნეულის მუნიციპალიტეტის მიერ გამოცხადებული ტენდერის მიხედვით,
მასში გამარჯვებული კომპანია ვალდებული იქნება 2023 წლის განმავლობაში
მერიის მითითების შესაბამისად განახორციელოს საკანალიზაციო სისტემის
გაწმენდა და მოვლა-შენახვა.
„მომსახურება გაწეული უნდა იქნეს ხელშეკრულების
გაფორმებიდან 2023 წლის 31 დეკემბრის ჩათვლით, ეტაპობრივად,
წერილობითი დავალების შესაბამისად. მიმწოდებელს ობიექტის კონკრეტული
მისამართი, შესასრულებელი სამუშაოების დასახელება ან/და დეფექტური
აქტი და სამუშაოებისთვის განსაზღვრული ვადები გადაეცემა
წერილობით“. - აღნიშნულია მარნეულის მუნიციპალიტეტის
მიერ გამოცხადებულ ტენდერში
მარნეულის მერია 2023 წლის განმავლობაში საკანალიზაციო სისტემის
გაწმენდისა და მოვლა-შენახვის სამუშაოებისათვის 50 847 ლარის გადახდას
გეგმავს. ადგილობრივმა თვითმმართველობამ ტენდერი 10 თებერვალს
გამოაცხადა. მასში მონაწილეობის მიღების მუსრველ კომპანიებს სატენდერო
წინადადებების წარდგენა 1-დან 6 მარტამდე პერიოდში შეეძლებათ.
რადიო „მარნეული“