მარნეულის მერიის თანამშრომლებისათვის ხელფასების მომატების შედეგად
2022 წელს, 2021 წლისაგან განსხვავებით,
ადგილობრივი თვითმმართველობა შრომის ანაზღაურებაში 850 000 ლარით მეტს
დახარჯავს.
რადიო „მარნეულთან“ საუბრისას მარნეულის მერიის საფინასნო-საბიუჯეტო
სამსახურის უფროსმა ვუგარ მამედოვმა განაცხადა, რომ ხელფასების
მომატებამდე მერია ერთ წელში შრომით ანაზღაურებაში 4 970 000 ლარს
ხარჯავდა, 2022 წელს კი 5 820 000 ლარს დახარჯავს.
„ასე ვერ ვიტყვით რომ ვთქვათ, 20%-ით გაიზარდა
ხელფასებიო, შრომის ანაზღაურების შესახებ კანონიდან გამომდინარე
კოეფიციენტების მიხედვით გაიზარდა“. - აცხადებს ვუგარ
მამედოვი
მარნეულის მერის ხელფასი 4 100 ლარიდან 5 500 ლარამდე გაიზარდა.
მერის პირველი მოადგილის ხელფასი 3 700 ლარიდან 4 400 ლარამდე
გაიზარდა.
მერის მოადგილის ხელფასი 3 400 ლარიდან 3 850 ლარამდე გაიზარდა.
მარნეულის მერიის სამსახურის უფროსები ყოველთვიურად 2 300 ლარს
იღებდნენ, ამიერიდან კი ხელფასის სახით 3 190 ლარს მიიღებენ.
მერიის განყოფილებების უფროსების ხელფასი 1 800 ლარიდან 2 530 ლარამდე
გაიზარდა.
პირველი კატეგორიის სპეციალისტები 1 300 ლარს იღებდნენ, ამიერიდან კი
1 870 ლარს მიიღებენ.
აღსანიშნავია, რომ
შრომითი ანაზღაურება გაიზარდა მარნეულის მუნიციპალიტეტის
საკრებულოშიც.
მარნეულის საკრებულომ საჯარო მოხელეებისათვის შრომითი ანაზღაურების
გაზრდას მხარი 27 დეკემბერს დაუჭირა.
რადიო „მარნეული“