პრემიერ-მინისტრ ირაკლი კობახიძის ბრძანებით, ფინანსთა მინისტრის
მოადგილედ ლერი ბარნაბიშვილი დაინიშნა.
დღემდე ლერი ბარნაბიშვილი მთავრობის ადმინისტრაციის რეგიონებთან
ურთიერთობის დეპარტამენტის უფროსის თანამდებობას იკავებდა.
მთავრობის ადმინისტრაციის განცხადებით, მას ფინანსთა სამინისტროს
სისტემაში მუშაობის 20-წლიანი გამოცდილება აქვს, მათ შორის, 2015-2020
წლებში ეკავა ფინანსთა მინისტრის მოადგილის თანამდებობა.
ირაკლი კობახიძემ დღეს, 5 მარტს თქვა, რომ ვაკანტური ადგილები
მთავრობის ადმინისტრაციაში, ასევე, ჯანდაცვის მინისტრის თანამდებობაზე
კვირის ბოლომდე შეივსება.