გასულ თვეში საერთაშოროსო ვიზიტორებისგან საქართველომ 376 მილიონი
დოლარის შემოსავალი მიიღო.
ეს თანხა წინა წელთან შედარებით 132%-ით არის გაზრდილი - ამის შესახებ
ეროვნული ბანკის მიერ გამოქვეყნებულ სექტემბრის თვის ტურიზმის
ანგარიშშია ნათქვამი.
სებ-ის ცნობით, მთლიანობაში წლის პირველ 9 თვეში საქართველომ
ტურიზმიდან 2.5 მილიარდი დოლარი მიიღო, რაც წინა წელთან შედარებით
190%-ით მეტია.
სებ-ის თანახმად, სექტემბერში საქართველომ ყველაზე მეტი თანხა - 96
მილიონი დოლარი რუსი მოგზაურებისგან მიიღო. მთლიანად ევროკავშირის
ქვეყნების მოგზაურებმა 45 მილიონი დახარჯეს, თურქეთის მოქალაქეებმა -
36 მილიონი, უკრაინის - 32 მილიონი, ასევე 32 მილიონი დახარჯეს
სექტემბერში საქართველოში ისრაელის მოქალაქეებმაც.
ეროვნული ბანკის შეფასებით, ბელარუსმა ვიზიტორებმა სექტემბერში
საქართველოში 21 მილიონის ხარჯები გასწიეს.