სარეაბილიტაციო სამუშაოების დროს წალკაში ე.წ. ტექნიკური მატარებელი
რელსებიდან გადავიდა. როგორც რადიო თავისუფლებისთვის გახდა ცნობილი,
დაიღუპა ერთი და დაშავდა სამი ადამიანი.
"საქართველოს რკინიგზაში" აცხადებენ, რომ სამუშაოებს ატარებდა
აზერბაიჯანული კომპანია - დაშავებულებიც და გარდაცვლილიც ამ ქვეყნის
მოქალაქეები არიან.
შემთხვევა 26 მაისს მოხდა - საქმეზე შინაგან საქმეთა სამინისტრომ
გამოძიება დაიწყო სისხლის სამართლის კოდექსის 275-ე მუხლით. ამ მუხლით
რკინიგზის უსაფრთხოების წესების დარღვევა, თუ ამას მსხვერპლი მოჰყვა,
ისჯება ხუთიდან შვიდ წლამდე პატიმრობით.