Bu gün “Çoxpartiyalı Demokratiya Mərkəzi”nin rəhbəri Levan
Tsutskiridze yeni siyasi hərəkatı təqdim edib.
Hərəkat “Azadlıq Meydanı” adlanır və onun təsisçiləri arasında
vətəndaş cəmiyyəti nümayəndələri, müxtəlif sahələr üzrə
mütəxəssislər var: Simon Canaşia, Davit Qzirişvili, Revaz Abxazava,
Bakur Kvaşilava, Oqtay Kazımov, İrma Zoidze və başqaları.
Siyasi hərəkatın təqdimatı Avropa meydanında keçirilib. Levan
Tsutskiridzenin sözlərinə görə, bu, müxtəlif
sahələrdən olan
peşəkarlara və fəal vətəndaşlara ölkə üçün mühüm seçkilər öncəsi
siyasi proseslərdə iştirak etmək imkanı verəcək açıq platforma
olacaq.
“Biz yeni bir siyasi hərəkat, siyasi evi olmayan
insanlar üçün, belə demək mümkünsə, siyasi mübarizəyə töhfə verə
biləcəkləri məkan tapmaq üçün açıq platforma yaratdıq, çünki biz
indi çox mühüm yol ayrıcındayıq. Bu “sahə” ətrafına təkcə bütün
Gürcüstanda deyil, öz sahəsinin ən yaxşı peşəkarları olan insanlar
toplaşıb.
Mən çox şadam ki, belə peşəkarlar və qərəzsiz insanlar mənimlə
siyasi proseslərdə iştirak etmək qərarına gəliblər”,
- Levan Tsutskiridze keçirilən təqdimatda bildirib.
Tsutskiridzenin sözlərinə görə, onlar prezidentin “Gürcü
Xartiyası”nı dəstəkləyir və oxşar dəyərlərə malik olduqları digər
müxalifət partiyaları ilə əməkdaşlığı müzakirə edirlər.