Gürcüstan prezidenti Salome Zurabişvili “Facebook”da futbol üzrə
milli komandanın Avropa çempionatının
1/8 finalında İspaniya yığması ilə keçirdiyi oyuna münasibət
bildirərək, “bəzən məğlubiyyətin də qələbə olduğunu” yazıb.
Salome Zurabişvili futbolçulara təşəkkür edir.
"Bəzən məğlubiyyət də qələbədir! Oğlanlarımıza
təşəkkürlər!”, - Salome Zurabişvili sosial şəbəkədə
yazıb.
Gürcüstan milli futbol komandası ilk Avropa çempionatını 1/8
finalda İspaniyaya qarşı keçirib. Qarşılaşma
4:1 hesabı ilə
ispanların xeyrinə başa çatıb.
Gürcüstan millisi iyunun 18-də Avropa çempionatında ilk oyununu
Türkiyəyə qarşı keçirib və 1:3 hesabı ilə uduzub, iyunun 22-də isə
Çexiya millisi ilə görüş 1:1 hesablı bərabərliklə başa çatıb və ilk
xalını qazanıb. İyunun 26-da Gürcüstan millisi qrup mərhələsinin
üçüncü oyununda Portuqaliyaya 2:0 hesabı ilə qalib gəlib.