Gürcüstanda 2018-ci ilin yanvar-iyun ayı ərzində 24 312 uşaq
doğulub.
Bu müddət ərzində ölkədə 23 603 nəfər isə dünyasını dəyişib.
2018-ci ilin ilk yarısında təbii artım (Dünyaya gələnlərlə
dünyasını dəyişənlər arasındakı fərq) 709 nəfər təşkil edib. Təbii
artımın müsbət göstəriciləri üç bölgədə qeydə alınıb: Tbilisi
(2109), Acarıstan (1041) və Kvemo Kartli (674). Məlumatı Gürcüstan
Milli Statistika Xidməti
yayıb.
Quriya, İmereti, Kaxeti, Raça-Leçxumi və Kvemo Svaneti,
Sameqrelo-Zemo Svaneti, Samsxe-Cavaxeti və Şida Kartli bölgələrində
isə dünyasını dəyişənlərin sayı doğulanlardan artıq olub.
2018-ci ilin 6 ayı ərzində təbii artım Foto: Milli Statistika
Xidməti.